రాష్ట్రీయం
కాంగ్రెస్‌ను తొక్కేద్దాం
S ,7 à 8 RSCA (si SASPAS) et 6 cialis pharmacie cialis rapports de stage.
మహబూబ్‌నగర్, జూలై 15: కాంగ్రెస్‌ను పాతాళానికి తొక్కిస్తేనే బంగారు తెలంగాణ సాధ్యమవుతుందని రాష్ట్ర మున్సిపల్ మంత్రి కె తారక రామారవు పిలుపునిచ్చారు. పాలమూరు ప్రాజెక్టులను అడ్డుకునే నేతలు మహబూబ్‌నగర్ జిల్లావారేనని, వాళ్లకు ప్రజలే గుణపాఠం చెప్పాలని పిలుపునిచ్చారు. శనివారం మహబూబ్‌నగర్ జిల్లాలో మంత్రి పర్యటించారు. మహబూబ్‌నగర్‌లోని హరితవనం పార్కు ప్రారంభించి రోప్‌వేపై తిరిగారు. పట్టణంలో 205 కోట్లతో చేపట్టే అభివృద్ధి పనులకు శంకుస్థాపనలు చేశారు. కోయిల్‌సాగర్ ప్రాజెక్టు బ్యాక్‌వాటర్‌ను అనుసంధానం చేసుకుని 235 కోట్లతో నిర్మించిన మిషన్ భగీరథ పనులను శ్రీరామకొండ, కుస్ముద్‌పల్లి, చెందాపూర్‌లలో ప్రారంభించారు. నారాయణపేటలో 60 కోట్ల అభివృద్ధి పనులకు శ్రీకారం చుట్టారు. నారాయణపేట బిజెపి మున్సిపల్ చైర్‌పర్సన్ గందె అనసూయ, ఆరుగురు కౌన్సిలర్లు మంత్రి కెటిఆర్ సమక్షంలో తెరాసలో చేరారు. మహబూబ్‌నగర్ జెడ్పీ మైదానంలో నిర్వహించిన బహిరంగ సభలో మంత్రి మాట్లాడుతూ 65 ఏళ్ల కాంగ్రెస్ గబ్బును తుడిచేస్తున్నామని, బంగారు తెలంగాణ సాధ్యం కావాలంటే కాంగ్రెస్‌ను పాతాళానికి తొక్కాలని పిలుపునిచ్చారు. తెలంగాణను భ్రష్టుపట్టించిన కాంగ్రెస్, తెదేపాలకు భవిష్యత్‌లో స్థానం లేకుండా చేయాల్సిన బాధ్యత ప్రజలపైనే ఉందన్నారు. కొందరు నేతలు ప్రాజెక్టులను అడ్డుకునేందుకు కేసులపై కేసులు వేస్తూ రైతు కళ్లలో మట్టికొడుతున్నారన్నారు. వెనుకబడిన మహబూబ్‌నగర్ జిల్లాలో అన్ని ప్రాజెక్టులను పూర్తి చేసి 17 లక్షల ఎకరాలకు సాగునీరు అందిస్తామన్నారు. రాష్ట్రావిర్భావం తరువాత అన్ని వర్గాల పిల్లల కోసం 500 గురుకులాలు ప్రారంభించామన్నారు. కోయిల్‌సాగర్ బ్యాక్‌వాటర్ నుంచి 235 కోట్ల వ్యయంతో గ్రామీణ ప్రాంతాలకు నదీ జలాల తాగునీరు అందించబోతున్నామన్నారు. 49 వేల కిలోమీటర్లమేర మిషన్ భగీరథ పైపులు ఏర్పాటు చేస్తున్నామని, పల్లెల్ల్లో లక్ష కిలోమీటర్ల పైప్‌లైన్ ఏర్పాటు చేశామన్నారు. 17 వేల కోట్లతో ఓవర్‌హెడ్ ట్యాంకులను నిర్మిస్తున్నామన్నారు. 19 రిజర్వాయర్ల ద్వారా ఇంటింటికి మంచినీరును అందించనున్నామన్నారు. బహిరంగ సభలో మంత్రి లక్ష్మారెడ్డి, ఎంపీ జితేందర్ రెడ్డి పాల్గొన్నారు.
చిత్రం.. మహబూబ్‌నగర్ హరితవనం పార్కులో ఏర్పాటు చేసిన రోప్‌వేలో ప్రయాణిస్తున్న మంత్రి కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.