రాష్ట్రీయం
వేగంగా భూసేకరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 19: మిడ్‌మానేరు ప్రాజెక్టు 8వ ప్యాకేజీ కింద పెండింగ్‌లో ఉన్న 200 ఎకరాల భూసేకరణ వెంటనే చేపట్టాలని నీటిపారుదల మంత్రి టి హరీశ్‌రావు ఆదేశించారు. ప్రాజెక్టు కాలువల పనులను సైతం యుద్ధప్రాతిపదికన పూర్తి చేయాలన్నారు. బుధవారం సచివాలయంలో నిర్వహించిన వీడియో కాన్ఫరెన్స్‌లో ప్రాజెక్టు పనులు, పునరావాసంపై సమీక్షించారు. మిడ్ మానేరులో 10 టిఎంసి నీళ్లు నిల్వ చేయబోతున్నట్లు తెలిపారు. దీని ద్వారా 80 వేల ఎకరాలు సాగులోకి తేవాలన్న కృతనిశ్చయంతో ప్రభుత్వం ఉందన్నారు. కాలువలు పూర్తిస్థాయిలో తీసుకురాకపోతే ఈ లక్ష్యం నెరవేరదని మంత్రి హెచ్చరించారు. కాలువలను స్వయంగా క్షేత్రస్థాయిలో పరిశీలించి భూసేకరణ సమస్యలు పరిష్కరించాలని కలెక్టర్‌ను మంత్రి కోరారు. ఇరిగేషన్, రెవెన్యూ అధికారులు సంయుక్తంగా క్షేత్రస్థాయిలో కాలువలను తనిఖీ చేస్తే సమస్యలను అక్కడికక్కడే పరిష్కరించవచ్చన్నారు. మిడ్‌మానేరు ముంపు బాధితులకు పరిహారం, పునరావాస పథకం సమస్యల పరిష్కారానికి ప్రాధాన్యం ఇవ్వాలని రాజన్న సిరిసిల్ల కలెక్టర్‌ను ఆదేశించారు. జిల్లా కలెక్టర్ దగ్గర దీనికి సంబంధించి నిధులు ఉంచామన్నారు. మిడ్‌మానేరు ముంపునకు గురయ్యే గ్రామాల పరిస్థితి, వివరాలను మంత్రి అధికారులను అడిగి తెలుసుకున్నారు. చింతల్ ఠాణా, కొదురు పాక, శాబాసుపల్లి, కొడిముంజ, చీర్లవంచ, అనుపురం, ఆరేపల్లి, సంకేపల్లి, రుద్రవరం, వరదవెల్లి గ్రామాల నిర్వాసితులకు ఇప్పటి వరకు జరిగిన పరిహారం చెల్లింపులను మంత్రి హరీశ్‌రావు సమీక్షించారు. ఇంకా పెండింగ్‌లో ఉన్న చెల్లింపులను తక్షణమే పూర్తి చేయాలని ఆదేశించారు. ముంపునకు గురయ్యే గ్రామాల్లో విద్యుత్ లైన్లు తొలగించాలని, విద్యుత్ కేటగిరి కన్వర్షన్ చేయాలన్నారు. కాళేశ్వరం, తుపాకులగూడెం ప్రాజెక్టుల భూసేకరణ పురోగతినీ మంత్రి సమీక్షించారు. ప్రభుత్వ స్పెషల్ సిఎస్ జోషి, ఇరిగేషన్ శాఖ కార్యదర్శి వికాసరాజ్, రాజన్న సిరిసిల్ల జిల్లా కలెక్టర్ కృష్ణ భాస్కర్, ఈఎన్‌సి మురళీధరరావు వీడియో కాన్ఫరెన్స్‌లో పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.