రాష్ట్రీయం
పనులు చేపట్టక పోతే రద్దే!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ఐటి కంపెనీలను ఏర్పాటు చేసేందుకు భూములు తీసుకుని, ఏళ్లు గడుస్తున్నా, ఇంకా ప్రారంభించని వాటి భూ కేటాయింపులు రద్దు చేయాలని ఎపిఐఐసి అధికారులను రాష్ట్ర ఐటి శాఖ మంత్రి నారా లోకేష్ ఆదేశించారు. వెలగపూడి సచివాలయంలో ఎపిఐఐసి అధికారులతో ఆయన బుధవారం సమీక్ష నిర్వహించారు. ఈ సందర్భంగా మాట్లాడిన లోకేష్ ‘ఇలాంటి సంస్థల భూములను స్వాధీనం చేసుకోవాల్సిందే’నని స్పష్టం చేశారు. తిరుపతిలో ఎలక్ట్రానిక్ మ్యానుఫాక్చరింగ్ క్లస్టర్-2 కు కేంద్ర ప్రభుత్వం ఆమోదం లభించిందని,త్వరలోనే పనులు ప్రారంభిస్తామని తెలిపారు. అనంతపురంలో నిర్మిస్తున్న ఇంక్యుబేషన్ సెంటర్, తిరుపతిలో నిర్మిస్తున్న ఐటి బిజినెస్ సెంటర్, విశాఖలో నిర్మిస్తున్న మిలీనియం టవర్స్ పనులు వేగవంతం చేయాలన్నారు. కాపులుప్పాడ ఐటి టౌన్‌షిప్, మంగళగిరి ఐటి స్పేస్‌లో వౌలిక వసతులను త్వరితగతిన పూర్తి చేయాలన్నారు. అంతకుముందు ఎపి ఇన్నోవేటివ్ సొసైటీ అధికారులతో సమీక్ష నిర్వహించారు. ఆ సందర్భంగా మాట్లాడిన ఆయన స్మార్ట్ సిటీ ఇన్నోవేషన్ ల్యాబ్, ఇంక్యుబేషన్ సెంటర్, డ్రోన్ ఇంక్యుబేషన్ సెంటర్ త్వరగా కార్యరూపం దాల్చేలా చూడాలన్నారు. ఇంక్యుబేషన్ సెంటర్ల ద్వారా స్టార్ట్ అప్ కంపెనీలు గ్లోబల్ లీడర్లుగా ఎదిగేందుకు అవసరమైన ప్రోత్సాహం అందించాలన్నారు. వారికి కావాల్సిన ఆఫీస్ స్పేస్, ప్రొడక్షన్ స్పేస్, ఇతర సౌకర్యాలు కల్పించాలన్నారు. ఎపి ఎలక్ట్రానిక్స్ అండ్ టెక్నాలజీ ఏజన్సీ, ఎపి నాన్‌రెసిడెంట్ తెలుగు సొసైటీ అధికారులతో కూడా సమావేశమయ్యారు. ఈ ఏడాది జనవరి నుంచి జూలై వరకూ 7100 మందికి ఉద్యోగాలు లభించాయని, 1982 కోట్ల రూపాయల మేర పెట్టుబడులు వచ్చాయని మంత్రికి అధికారులు వివరించారు. రాష్ట్రంలో పెట్టుబడులు పెట్టేందుకు వచ్చిన వివిధ సంస్థల ప్రగతిని సమీక్షించిన ఆయన, పనుల్లో పురోగతిపై ప్రతివారం నివేదిక అందచేయాలన్నారు. విశాఖలో ఏర్పాటు కానున్న ఫిన్‌టెక్ వ్యాలీని త్వరగా పూర్తి చేయాలని, గ్లోబల్ లీడర్లుగా ఉన్న కంపెనీలను పెట్టుబడులు పెట్టేందుకు ఆహ్వానించాలని ఆదేశించారు. ఈ సమావేశంలో ఐటి శాఖ కార్యదర్శి విజయానంద్, ఎపిఐఐసి ఎంపి బాబు, ఎపిఎన్‌ఆర్‌టి చైర్మన్ వేమూరి రవి, తదితరులు పాల్గొన్నారు.
చిత్రం.. అధికారులతో సమీక్షిస్తున్న మంత్రి లోకేశ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.