తెలంగాణ
న్యాయ చట్టాలపై సదస్సు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశంలో మొదటిసారిగా ఇంటర్నేషనల్ లా పై అంతర్జాతీయ సదస్సును హైదరాబాద్‌లోని నల్సార్ విశ్వవిద్యాలయం సెప్టెంబర్ 3వ తేదీ నుండి నిర్వహించనుంది. అత్యంత ప్రతిష్టాత్మకమైన ఈ సదస్సుకు దేశ, విదేశాల నుండి ప్రసిద్ధి గాంచిన 60 మంది ఉన్నత స్థాయి న్యాయమూర్తులు, న్యాయవాదులు హాజరుకానున్నారు. పెద్ద ఎత్తున ప్రజల వలస, పెట్టుబడుల సమస్యలు, వివిధ ట్రిబ్యునల్స్ ముందున్న చట్టపరమైన ఇబ్బందులు తదితర అంశాలపై ఈ సదస్సులో విస్తృత స్థాయి చర్చలు జరుగుతాయి. ప్రభుత్వ, ప్రైవేటు వ్యక్తులు సంస్థలకు అవసరమైన అంతర్జాతీయ న్యాయవ్యవస్థలను ఈ సదస్సులో వ్యక్తమైన అభిప్రాయాలకు అనుగుణంగా సంలీనం చేస్తారు. ప్రధానంగా ఐక్య రాజ్యసమితి చట్ట సంబంధ అంశాలకు కూడా ఈ సదస్సు దోహదం చేయనుంది. ఇంటర్నేషనల్ కోర్టు ఆఫ్ జస్టిస్ నుండి ముగ్గురు న్యాయమూర్తులు, వరల్డ్ బ్యాంకు అడ్మినిస్ట్రేటివ్ ట్రిబ్యునల్ నుండి ఇద్దరు న్యాయమూర్తులు, యుఎన్ యగొస్లోవియా ట్రిబ్యునల్ నుండి ఒకరు, ఇతర ప్రధాన ట్రిబ్యునల్స్ నుండి కూడా పెద్ద ఎత్తున న్యాయమూర్తులు హాజరుకానున్నారు. భారత ప్రభుత్వ న్యాయ సలహాదారు డాక్టర్ పి ఎస్ రావు, ఢిల్లీ యూనివర్శిటీ విసి ప్రొఫెసర్ యోగేష్ తాగి , సెంటర్ ఫర్ ఇంటర్నేషనల్ లీగల్ స్టడీస్ చైర్‌పర్సన్ ప్రొఫెసర్ బి ఎస్ చిమ్ని , ఐసిజె మాజీ అధ్యక్షుడు. జస్టిస్ నాగేంద్ర సింగ్, ప్రొఫెసర్ వి ఎస్ మణి తదితరులు హాజరవుతారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.