బిజినెస్
తగ్గని కొరియా సెగ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 6: అణుపరీక్షకు సంబంధించి అమెరికా, ఉత్తర కొరియాల మధ్య పెరుగుతున్న ఉద్రిక్తతల ప్రభావం బుధవారం భారత స్టాక్ మార్కెట్లపై పడింది. అమ్మకం వత్తిడిని తట్టుకోలేక అనేక కీలక షేర్లు నష్టాలబారిన పడ్డాయి. గత వారంలో ఎన్నడూ లేని విధంగా సెనె్సక్స్ నష్టపోయింది. అలాగే అమెరికా డాలర్ మారకంతో పోలిస్తే భారత రూపాయి మూడువారాల కనిష్ఠానికి చేరుకుంది. మార్కెట్ పరిస్థితులను ప్రతిబింబిస్తూ 147.58 పాయింట్లను అంటే 0.48 శాతాన్ని కోల్పోయి సెనె్సక్స్ 31,661.97 వద్ద ముగిసింది. అలాగే నిఫ్టీ కూడా 36 పాయింట్లు కోల్పోయి 9,916.20 వద్ద ముగిసింది. మొదట భారీగానే మార్కెట్ నష్టపోయినప్పటికీ రిలయెన్స్ ఇండస్ట్రీస్ లిమిటెడ్, కోటక్ బ్యాంక్ షేర్లు పుంజుకోవడంతో కొంతమేర నిలదొక్కుగోగలిగింది. యాక్సిస్ బ్యాంక్, ఐసిఐసిఐ, ఎస్‌బిఐ షేర్లు 1.79 శాతం మేర పతనమయ్యాయి. లూపిన్, అదాని పోర్ట్స్, టాటా మోటార్స్ షేర్లూ నష్టపోయాయి. మారిన అంతర్జాతీయ వాతావరణాన్ని ప్రతిబింబిస్తూ విదేశీ పోర్ట్ఫులియో మదుపరులు తీవ్రస్థాయిలో అమ్మకాలు జరిపారు. అయితే దేశీయ సంస్థాగత ఇనె్వస్టర్లు దాదాపు 474.36 కోట్ల విలువైన షేర్లను కొనుగోలు చేసి ఈ అమ్మకాల ప్రభావాన్ని తగ్గించారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.