రాష్ట్రీయం
27న కెసిఆర్ బెజవాడకు..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 6: బెజవాడ కనుకదుర్గ అమ్మవారిని దర్శించుకుని మొక్కు చెల్లించడానికి 27న సిఎం కె చంద్రశేఖర్‌రావు విజయవాడకు వెళ్లనున్నారు. ఈమేరకు విజయవాడ పర్యటన ఖరారైనట్టు అధికార వర్గాల సమాచారం. తెలంగాణ ఉద్యమ సమయంలో ప్రత్యేక తెలంగాణ ఏర్పడాలని పలువురు దేవుళ్లకు కెసిఆర్ మొక్కుకున్న విషయం తెలిసిందే. ఈ మొక్కులలో భాగంగా బెజవాడ కనుకదుర్గ అమ్మవారికి ముక్కు పుడక సమర్పించాల్సి ఉంది. ఇప్పటికే తిరుపతి శ్రీవెంకటేశ్వరస్వామికి రూ.5 కోట్ల విలువ చేసే స్వర్ణ సాలిగ్రామహారం, స్వర్ణ కంఠాభరణం, తిరుచనూర్ పద్మావతి అమ్మవారికి ముక్కు పుడక, వరంగల్ భద్రకాళి అమ్మవారికి రూ.3.60 కోట్ల విలువ చేసే బంగారు కిరీటం, కురవి వీరభ్రదస్వామికి రూ.60 వేల విలువ చేసే బంగారు మీసాలు సమర్పించారు. మొక్కుల్లో ఇక మిగిలింది బెజవాడ కనుకదుర్గ అమ్మవారికి ముక్కు పుడక చెల్లింపు ఒకటే. విజయదశమి సందర్భంగా నిర్వహించే నవరాత్రి ఉత్సవాల్లో భాగంగా కుటుంబ సభ్యులతో వెళ్లి కనుకదుర్గ అమ్మవారికి ముక్కు పుడక సమర్పించడానికి కార్యక్రమం ఖరారైనట్టు అధికార వర్గాలు తెలిపాయి.
కెసిఆర్ కంటికి శస్తచ్రికిత్స
ఇదిలావుంటే, తెలంగాణ సిఎం కె చంద్రశేఖరరావుకు ఢిల్లీలోని ప్రైవేట్ ఆసుపత్రిలో కంటికి శస్తచ్రికిత్స జరిగింది. శస్త్ర చికిత్స విజయవంతమైందని, కెసిఆర్ ఉల్లాసంగా ఉన్నారని తెరాస వర్గాలు తెలిపాయి. చంద్రశేఖరరావు 1న ఢిల్లీకి రావటం తెలిసిందే. సిఎంకు కాటరాక్ట్ లేజర్ శస్తచ్రికిత్స జరిగిందని, శస్త్ర చికిత్స జరిగినప్పుడు ఆయనవెంట కుమారుడు కెటిఆర్, రాష్ట్ర మంత్రి హరీశ్‌రావు, ఎంపీ, కుమార్తె కవిత, పార్టీ నేతలు, మంత్రులు వెంట ఉన్నారు. శస్త్ర చికిత్స విజయవంతం కావటంపట్ల కుమారుడు, రాష్ట్ర మంత్రి కెటిఆర్ ఆనందం వ్యక్తం చేయటంతోపాటు, డాక్టర్ సచ్‌దేవకు ధన్యవాదాలు తెలిపారు. రెండు, మూడు రోజులు విశ్రాంతి అనంతరం కెసిఆర్ హైదరాబాదుకు తిరుగు ప్రయాణమవుతారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.