రాష్ట్రీయం
వస్తోంది కృష్ణమ్మ!
S ,7 à 8 RSCA (si SASPAS) et 6 cialis pharmacie cialis rapports de stage.
మహబూబ్‌నగర్, సెప్టెంబర్ 29: విజయ దశమి పండుగ వేళ దశాబ్దాల కల సాకారం కాబోతోంది. కల్వకుర్తి ప్రాంతానికి కృష్ణాజలాలు తాకబోతున్నాయ. దాదాపు మూడు దశాబ్దాల పాటు పోరాటాలు, ఉద్యమాలు ఏ ఎన్నికలు వచ్చినా నేతల మొదటి ప్రసంగం కల్వకుర్తి ఎత్తిపోతల పథకం గురించే . ఆ పోరాటాల ఫలితం నేడు సాకారమవుతున్న వేళ రైతాంగంలో కొత్త ఆశలు చిగురించనున్నాయి. బీడువారిన భూములను చూసి కళ్లు చెమ్మగిల్లిన అన్నదాతల కన్నీరు తుడిచేందుకు కృష్ణవేణి బిరబిరా తరలిరానుంది. కొన్ని గంటల్లో కల్వకుర్తి నియోజకర్గ పంటపొలాల్లో నాట్యం
చేయనుంది. మహాత్మాగాంధీ ఎత్తిపోతల పథకంలో (కల్వకుర్తి లిఫ్ట్)లో భాగంగా 29వ ప్యాకేజీ పరిధిలోని దుందుభి నది వాగుపై ఆక్విడెక్ట్ పూర్తికావడంతో కాలువల ద్వారా కృష్ణా జలాలు పారనున్నాయి.
గత 20 ఏళ్లుగా కల్వకుర్తి ప్రాజెక్టు పనులు నత్తనడకన సాగాయి. తెలంగాణ ఏర్పడ్డాక ముఖ్యమంత్రి కెసిఆర్, భారీ నీటిపారుదల మంత్రి హరీశ్‌రావు ప్రాజెక్టు పనులపై దృష్టిపెట్టి యుద్ధప్రాతిపదికన పూర్తి చేయంచారు. మంత్రి హరీశ్ ఎప్పటికప్పుడు పనులను పర్యవేక్షిస్తూ, నెలకోసారి సందర్శించారు. మంత్రి స్వయంగా రంగంలోకి దిగడంతో కాంట్రాకర్లు, అధికారులు పనులు వేగవంతం చేయడంతో అనుకున్న సమయానికి ప్రాజెక్టు పూరె్తైంది. ముఖ్యంగా కల్వకుర్తి ప్రాజెక్టు ద్వారా కృష్ణాజలాలు కల్వకుర్తి ప్రాంతానికి రావాలంటే దుందుభి నది వాగు దాటి రావాల్సిందే. అయితే ఈ విషయంపై అందరిలో నది దాటి నీటిని ఎలా తీసుకువస్తారనే ప్రశ్న ఉత్పన్నమయ్యేది. అయితే దుందుభి వాగుపై ఆక్విడెక్ట్ (వంతెన) నిర్మించి దీనిద్వారా కృష్ణా జలాలను ఈ ప్రాంతానికి తీసుకొస్తున్నారు.
ఇదిలావుండగా మహబూబ్‌నగర్ జిల్లా మిడ్జిల్ మండలంలోని సిల్వేర్ గ్రామం దగ్గర నిర్మించిన వంతెన ద్వారా సాగునీటిని విడుదల చేయడానికి మంత్రి హరీశ్‌రావు శనివారం వస్తున్నారు. శ్రీశైలంలో అనుకులంగా వరద ఉండటంతో కల్వకుర్తి ప్రాజెక్టుకు సంబంధించిన మోటార్లను ఇప్పటికే ఆన్ చేశారు. నాగర్‌కర్నూల్ సమీపంలోని గుడిపల్లి గుట్టు రిజర్వాయర్ నుంచి 29 ప్యాకేజీకి జలాలు తరలిరానున్నాయి. అందుకు సైతం ఏర్పాట్లు పూర్తయ్యాయ. అక్టోబర్ 1న మంత్రులు పూజలు చేసేందుకు సైతం సిద్ధమయ్యారు. శనివారం ప్రారంభం కానున్న 29వ ప్యాకేజీ నుంచి కల్వకుర్తి ప్రాంతానికి కృష్ణాజలాలు విడుదల చేసే కార్యక్రమానికి భారీ ఏర్పాట్లు జరిగాయ. నాలుగు రోజుల క్రితమే మోటార్లను ఆన్ చేయడంతో దాదాపు అవంచ వరకు ఇప్పటికే నీరు వచ్చింది. ప్రస్తుతం 90 కిలోమీటర్ల పరిధిలోని వివిధ గ్రామాలకు సాగునీరు అందుతోంది. 122 కిలోమీటర్ల వద్ద కల్వకుర్తి మండలం మదారం గ్రామం వరకు 29వ ప్యాకేజీ ద్వారా జలాలు పారించనున్నారు.
చిత్రాలు..దుందుభి నది వాగుపై కృష్ణా జలాలను పారించేందుకు నిర్మించిన ఆక్విడెక్ట్.
* నీరు సరఫరాకు సిద్ధమైన కల్వకుర్తి కాల్వ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.