రాష్ట్రీయం
అనధికార హేచరీలపై కొరడా
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, సెప్టెంబర్ 29: ఆంధ్రప్రదేశ్ రాష్టవ్రృద్ధిలో ప్రథమస్థానంలో నిలుస్తున్న ఆక్వా సాగు క్రమబద్ధీకరణలో భాగంగా అనధికార హేచరీలపై ప్రభుత్వం కొరడా ఝుళిపిస్తోంది. సీడ్ దశలో వాడుతున్న యాంటీబయోటిక్స్ తదితర రసాయనాల కారణంగా రొయ్య ఎదిగి, ఎగుమతి చేసే సమయంలో పలు సమస్యలు తలెత్తుతున్నాయి. ఈ నేపథ్యంలో అనుమతి లేని హేచరీలను సీజ్‌చేయాలని ప్రభుత్వం ఆదేశాలు జారీచేసింది. ఇప్పటికే తూర్పు గోదావరి జిల్లాలో ఈ తరహా చర్యలు మొదలయ్యాయి. రాష్ట్భ్రావృద్ధికి కీలకంగా మారడంతోపాటు, ఉపాధి అవకాశాలను గణనీయంగా కల్పించే ఆక్వా రంగంపై ఇప్పటికే ముఖ్యమంత్రి చంద్రబాబునాయుడు ప్రత్యేక దృష్టి కేంద్రీకరించిన సంగతి విదితమే. ఇప్పటికే త్రీఫేజ్ విద్యుత్‌ను అతి తక్కువ ధరకు ఆక్వా రైతులకు అందించడం వంటి చర్యలు తీసుకుంటున్న ప్రభుత్వం సాగును క్రమబద్ధీకరించాలని యోచిస్తోంది. ముఖ్యంగా ఎగుమతుల సందర్భంగా ఇతర దేశాల్లో ఆంధ్రప్రదేశ్ ఉత్పత్తులకు మంచి ఇమేజ్ రావాలనే లక్ష్యంతో ముఖ్యమంత్రి ఉన్నారు. ఇందులో భాగంగా స్టేజ్-1 పేరుతో నాణ్యతలేని సీడ్ (రొయ్య పిల్లలు) విక్రయిస్తున్న అనధికార హేచరీలపై కొరడా ఝళిపిస్తున్నారు.రాష్ట్రంలోని సముద్రతీర ప్రాంతంలోనే ఆక్వా సాగు ఎక్కువ. శ్రీకాకుళం నుంచి నెల్లూరు జిల్లా వరకు ఆక్వా సాగు జరుగుతోంది. ఈ జిల్లాల్లో వనామి రొయ్యల సాగు ఎక్కువగా జరుగుతోంది. అయితే రైతులు తెలిసీ తెలియక అనాధికార హేచరీల నుంచి రొయ్య పిల్లలను కొనుగోలు చేస్తున్నారు. ధర తక్కువగా ఉండటం, అందుబాటులో ఉండటం తదితర కారణాల వల్ల రైతులు ఈ అనధికార హేచరీలపై ఆధారపడుతున్నారు.
నిబంధనల ప్రకారం హేచరీల ఏర్పాటుకు సముద్ర ఉత్పత్తుల ఎగుమతుల అభివృద్ధి సంస్ధ (ఎంపెడ), మత్య్సశాఖ, కోస్టల్ ఆక్వా కల్చర్ అధారిటీ అనుమతులు తప్పనిసరి. అయితే చాలా హేచరీలు ఈ నిబంధన పాటించడంలేదు. రైతులకు ఈ విషయం తెలియకపోవడంతో అనధికార హేచరీల్లో రొయ్య పిల్లలను కొనుగోలు చేసి అటు వైరస్, యాంటిబయోటిక్స్ వల్ల తీవ్రంగా నష్టపోతున్నారు. వైరస్ సోకితే రైతు మాత్రమే నష్టపోతాడు. అయితే యాంటిబయోటిక్స్ అంతకన్నా ప్రమాదకరంగా మారింది. యాంటీ బయోటిక్స్ వాడిన రొయ్యలపై వివిధ దేశాలు వెనక్కు పంపడంతోపాటు, ఆ తరహా ఉత్పత్తులు ఎగుమతిచేసే దేశాలపై నిషేధం సైతం విధిస్తున్నాయి.
రాష్ట్రంలో ఎంపెడ, మత్య్సశాఖ, కోస్టల్ ఆక్వా కల్చర్ అధారిటీలు ఆంధ్రప్రదేశ్ ప్రభుత్వం అనుమతి పొందిన హేచరీలు సుమారు 200 మాత్రమే ఉన్నాయి. వీటిని అతి తక్కువమంది రైతులే ఉపయోగించుకుంటున్నారు. ఇక ప్రతీ జిల్లాలో పుట్టగొడుగుల్లా పుట్టుకొచ్చిన అనధికార హేచరీల హవాయే ఎక్కువ.
రాష్ట్ర ప్రతిష్ఠకు సంబంధించిన వ్యవహారం కావడంతో ముఖ్యమంత్రి చంద్రబాబు నాయుడు వీటిపై ప్రత్యేక దృష్టి సారించారు. అనధికార హేచరీలను తొలగించాలని ఆదేశాలు జారీచేశారు. దీంతో పాటు యాంటిబయోటిక్స్ విక్రయించే మందుల దుకాణాలపైనా ప్రభుత్వం ప్రత్యేక దృష్టిసారించింది. వీటిని విక్రయించే వారికి కఠిన శిక్ష తప్పదని హెచ్చరిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.