రాష్ట్రీయం
దుష్టపాలన అంతం చేద్దాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 10: దుర్మార్గపు, దుష్ట పాలన అంతమొందించేందుకు భావసారూప్యగల పార్టీలు, ప్రజా సంఘాలు తమతో కలిసి రావాలని టీ.పీసీసీ అధ్యక్షుడు ఎన్. ఉత్తమ్‌కుమార్ రెడ్డి పిలుపునిచ్చారు. సోమవారం భారత్ బంద్‌లో పాల్గొన్న అనంతరం ఉత్తమ్‌కుమార్ రెడ్డి, పార్టీ రాష్ట్ర వ్యవహారాల ఇన్‌ఛార్జీ ఆర్‌సీ కుంతియా, ఇతర నాయకులు కే. జానారెడ్డి, మహ్మద్ షబ్బీర్ అలీ, మధుయాష్కీ గౌడ్ తదితరులతో కలిసి విలేఖరుల సమావేశంలో మాట్లాడారు. తెలంగాణలో దుర్మార్గపు పాలనకు అంతమొందించాల్సి ఉందని ఆయన స్పష్టం చేశారు. కాగా టీడీపీ అధ్యక్షుడు ఎల్. రమణ నేతృత్వంలోని కమిటీతో త్వరలో చర్చలు జరపనున్నట్లు ఆయన వెల్లడించారు. తెలంగాణ జన సమితి (టీజేఎస్) అధ్యక్షుడు ప్రొఫెసర్ కోదండరామ్‌తో ఇప్పటి వరకూ ఎలాంటి చర్చలు జరపలేదని ఒక ప్రశ్నకు సమాధానంగా చెప్పారు. గత ఎన్నికల్లో ఉప్పల్ నుంచి పోటీ చేసి ఓటమి చెందిన బండారి లక్ష్మారెడ్డి టీఆర్‌ఎస్‌లో చేరిన విషయాన్ని ప్రస్తావించగా ‘లక్ష్మారెడ్డితో నేను చర్చించలేదు. వ్యక్తిగత ప్రయోజనాలు ఏమైనా ఉన్నాయోమో తెలియదు’
అని బదులిచ్చారు. కాంగ్రెస్‌కు గుడ్‌బై చెప్పి టీఆర్‌ఎస్‌లో చేరిన మాజీ మంత్రి దానం నాగేందర్ మళ్లీ వెనక్కి వస్తున్నారా? ఆయన్ను కలిసారా? అన్న ప్రశ్నకు ‘కలిస్తే తప్పేమిటీ?’అని ఎదురుప్రశ్నించారు.
నేటీ నుంచి జెండా పండుగ
కాంగ్రెస్ పార్టీ నాయకులు, కార్యకర్తలు మంగళవారం నుంచి 18వ తేదీ వరకూ జెండా పండుగ నిర్వహించాలని ఉత్తమ్ ఆదేశించారు. ప్రతి గ్రామం, పట్టణాల్లో పార్టీ జెండాలు ఎగుర వేయాలని ఆయన పిలుపునిచ్చారు. ప్రతి కార్యకర్త తమ ఇంటిపై విధిగా పార్టీ జెండా ఎగుర వేయాలని ఆయన తెలిపారు. కాగా ఈ నెల 12న ఏఐసీసీ నాయకుడు గులాంనబీ ఆజాద్ హైదరాబాద్‌కు రానున్నారని పీసీసీ చీఫ్ వెల్లడించారు. మధ్యాహ్నం మీడియాతో మాట్లాడిన అనంతరం సాయంత్రం సంగారెడ్డిలో జరగనున్న మైనారిటీల బహిరంగ సభకు హాజరవుతారని ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.