తెలంగాణ
దిద్దుబాటు మొదలైంది..!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 29: తెలంగాణలోని సీమాంద్ర ప్రజలకు తాను అండగా ఉంటానని మంత్రి కేటీఆర్ చేసిన ప్రకటన రాజకీయ వర్గాల్లో హాట్ టాపిక్‌గా మారింది. జిహెచ్‌ఎంసి ఎన్నికల్లో టీఆర్‌ఎస్ వైపు మొగ్గుచూపిన హైదరాబాద్‌లోని సీమాంద్ర ఓటర్లు, ప్రస్తుతం వారు టీఆర్‌ఎస్‌కు దూరమయ్యే పరిస్థితి నెలకొన్నట్టు తాజా మాజీ సెటిలర్ ఎమ్మెల్యేలు పార్టీ అధిష్ఠానం దృష్టికి తీసుకెళ్లినట్టు సమాచారం. టీఆర్‌ఎస్ పట్ల సీమాంద్ర ప్రజలకు ఏర్పడిన అపోహలను తొలగించడానికి ‘మన హైదరాబాద్-మన అందరి హైదరాబాద్’ పేరిట నిజాంపేటలో మంత్రి కేటీఆర్ సమావేశం పెట్టి తాను వ్యక్తిగతంగా అండగా నిలుస్తానని హామీ ఇవ్వడానికి కారణంగా చెబుతున్నారు. గ్రేటర్ హైదరాబాద్ పరిధిలో ఉన్న 24 నియోజకవర్గాల ఫలితాలను ప్రభావితం చేసేస్థాయిలో ఉన్న సీమాంధ్ర ఓటర్లకు భరోసా కల్పించడం ద్వారా దిద్దుబాటు చర్యలకు టీఆర్‌ఎస్ పూనుకొంది. టీఆర్‌ఎస్ అధినేత కేసీఆర్ ఇటీవల నిజామాబాద్, నల్లగొండలో నిర్వహించిన ఎన్నికల సభల్లో ఆంధ్రప్రదేశ్ సీఎం, టీడీపీ అధినేత చంద్రబాబు నాయుడిపై తీవ్ర పదజాలంతో దూషించారు. ఈ వ్యాఖ్యల వల్ల హైదరాబాద్‌తో పాటు రాష్టవ్య్రాప్తంగా ఉన్న సీమాంధ్ర ప్రజల మనోభావాలు దెబ్బతిన్నాయని టీడీపీ నుంచి టీఆర్‌ఎస్‌లో చేరిన సెటిలర్ ఎమ్మెల్యేలు పార్టీ అధిష్ఠానం దృష్టికి తీసుకెళ్లినట్టు సమాచారం. పార్టీ మేనిఫెస్టో ప్రకటన సందర్భంగా ఇదే అంశాన్ని సీఎం కేసీఆర్ ప్రస్తావిస్తూ, తెలంగాణలో స్థిరపడిన సీమాంధ్ర ప్రజలంతా తెలంగాణ బిడ్డలేనని, తాము ఇంకా పరాయివాళ్లమన్న భావనను విడనాడలని పిలుపునిచ్చారు.
అయితే దీనితో సంతృప్తి చెందని సెటిలర్ ఎమ్మెల్యేలు మరింత స్పష్టత ఇస్తే తప్ప ఈసారి ఎన్నికల్లో సీమాంధ్ర ఓటర్లు టీఆర్‌ఎస్‌కు ఓటు వేసే పరిస్థితి లేదని గగ్గోలు పడిన తర్వాతనే ప్రత్యేకంగా నిజాంపేటలో కేటీఆర్ సమావేశం ఏర్పాటు చేసినట్టు సమాచారం. రాజకీయాల్లో విమర్శలు, ప్రతివిమర్శలు ఎన్నో చేసుకుంటాం, వాటిని రాజకీయ నేతల మధ్య జరిగినట్టుగా భావించాలి తప్ప ఒక ప్రాంత ప్రజలను ఉద్దేశించి చేసినట్టుగా భావించవద్దని కేటీఆర్ స్పష్టం చేశారు. కేటీఆర్ ఇచ్చిన భరోసాతో సంతృప్తి చెందని సెటిలర్ ఎమ్మెల్యేలు ఇదే విషయాన్ని సీఎం కేసీఆర్ చెబితే బాగుంటుందని తాజాగా టీఆర్‌ఎస్ అధిష్ఠానం దృష్టికి తీసుకెళ్లినట్టు తెలిసింది. వచ్చే ఎన్నికల్లో సీమాంధ్ర ప్రజల ఓట్ల కోసమే కేటీఆర్ భరోసా ఇచ్చారు తప్పితే, గతంలో కేసీఆర్ చేసిన వ్యాఖ్యలను ఎలా మరిచిపోతారని కాంగ్రెస్ నేతలు మరింత ఆజ్యం పోసేలా విమర్శలు చేస్తున్నారు. కాంగ్రెస్‌తో జత కట్టిన టీడీపీ, కూటమి తరఫున ప్రచారానికి చంద్రబాబు నాయుడు రానున్నారు. చంద్రబాబు నాయుడు ప్రచారానికి వచ్చేలోగా సీమాంధ్ర ఓటర్లను మచ్చిక చేసుకునేలా దిద్దుబాటు చర్యలు తీసుకోవాలని టీఆర్‌ఎస్ భావిస్తున్నట్టు తెలిసింది. సీమాంధ్ర ప్రజలు ఎక్కువగా నివసించే ప్రాంతాల్లో ప్రత్యేకంగా సీఎం కేసీఆర్ సభలను పెట్టించేలా సెటిలర్ ఎమ్మెల్యేలు టీఆర్‌ఎస్ అధిష్టానంపై వత్తిడి తెస్తోన్నట్టు సమాచారం. సొంత పార్టీ తాజా మాజీ ఎమ్మెల్యేల వత్తిడిపై సీఎం కేసీఆర్ ఎలా స్పందిస్తారో వేచి చూడాలి.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.