బిజినెస్
ఆగిన బ్యాంకింగ్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: విజయా బ్యాంక్, దేనా బ్యాంకులను బ్యాంక్ ఆఫ్ బరోడాలో విలీనం చేయడాన్ని వ్యితిరేకిస్తూ ఉద్యోగులు బుధవారం నిర్వహించిన దేశవ్యాప్త సమ్మెతో బ్యాంక్ కార్యకలాపాలు నిలిచిపోయాయి.
జాతీయ బ్యాంకులతో పాటు కొన్ని ప్రైవేట్, విదేశీ బ్యాంకు లు కూడా ఈ సమ్మెలో పాల్గొన్నాయి. ఈ వారంలో రెండోసారి నిర్వహించిన ఈ సమ్మెలో దేశవ్యాప్తంగా ఒక మిలియన్ ఉద్యోగులు పాల్గొన్నారని తొమ్మిది బ్యాంకు యూనియన్లకు ప్రాతినిధ్యం వహిస్తున్న యునైటెడ్ ఫోరం ఆఫ్ బ్యాంక్ యూనియన్స్ ప్రతినిధులు తెలిపారు. కాగా తమ వేతనాలను వెంటనే పెంచాలని, బ్యాంకుల విలీనాన్ని విరమించుకోవాలని డిమాండ్ చేస్తూ ఈనెల 21న ఆఫీసర్స్ యూనియన్ సమ్మె నిర్వహించిన సంగతి తెలిసిందే. సమ్మె వల్ల బుధవారం డిపాజిట్లు, విత్‌డ్రాలు, చెక్‌క్లియరెన్స్, డిమాండ్ డ్రాఫ్ట్‌ల జారీ, ఇంకా ఇతర కార్యకలాపాలు నిలిచిపోయాయని బ్యాంకు యూనియన్ ప్రతినిధులు తెలిపారు. కేవలం గోవా, గుజరాత్‌ల్లోనే రెండు ట్రిలియన్‌ల విలువైన చెక్‌లు నిలిచిపోయాయని చెప్పారు. తమకు మద్దతుగా కొన్ని ప్రైవేట్ రుణ సంస్థలు కూడా సమ్మెలో పాల్గొన్నాయని యూనియన్ నేత ఎంకె శుక్లా వెల్లడించారు. ఇలావుండగా బ్యాంకు సమ్మె వల్ల బ్యాంకుల కార్యకలాపాలకు ఎలాంటి విఘాతం కలుగలేదని ఒక ఉన్నతాధికారి తెలిపారు. చెక్‌ల క్లియరెన్స్‌కు క్లియరింగ్ సెంటర్లలో అధికారులను నియమించి ఎలాంటి ఇబ్బంది లేకుండా చూశామని, అలాగే ట్రెజరీ కార్యకలాపాలు కూడా యధావిధిగా కొనసాగాయని ఆయన తెలిపారు.
చిత్రం..విజయా బ్యాంకు, దేనా బ్యాంకులను బ్యాంక్ ఆఫ్ బరోడాతో
విలీనం చేయడాన్ని నిరసిస్తూ బుధవారం సమ్మె చేస్తున్న సిబ్బంది
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.