బిజినెస్
చమురు, సహజ వాయువు ఉత్పత్తుల్లో తగ్గుదల
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 31: మన దేశంలో ముడి చమురు, సహజ వాయువు ఉత్పత్తుల్లో తగ్గుదల నమోదుకావడం అటు అధికారులను, ఇటు సామాన్యులను ఆందోళనకు గురి చేస్తున్నది. లక్ష్యాలను అందుకోవడంలో విఫలం కావడం, సరికొత్త వ్యూహ రచన అవసరాన్ని స్పష్టం చేస్తున్నది. కేంద్ర పెట్రోలియం, సహజ వాయువు మంత్రిత్వ శాఖ విడుదల చేసిన గణాంకాల ప్రకారం గత ఏడాది ఏప్రిల్ నుంచి డిసెంబర్ వరకు ముడి చమురు ఉత్పత్తి లక్ష్యాన్ని 27.54 లక్షల మెట్రిక్ టన్నులుగా నిర్ణయించగా, 25.84 మెట్రిక్ టన్నులు సాధ్యమైంది. ఉత్పత్తి అంచనాల్లో 5.88 శాతం తగ్గుదల నమోదైంది. గత ఏడాది డిసెంబర్ మాసంలో ఉత్పత్తి గణనీయంగా పడిపోవడం గమనార్హం. 3.18 లక్షల మెట్రిక్ టన్నుల ఉత్పత్తి లక్ష్యంకాగా, 2.86 లక్షల మెట్రిక్ టన్నులకు పరిమితమైంది. అంచనాల్లో తగ్గుదల 10.13 శాతం. అయితే, రిఫైనరీ ఉత్పత్తుల పరిస్థితి కొంత మెరుగ్గా ఉంది. గత ఏడాది ఏప్రిల్ నుంచి డిసెంబర్ మధ్యకాలంలో 19.80 లక్షల మెట్రిక్ టన్నులను లక్ష్యంగా ఉంచగా, 19.26 లక్షల మెట్రిక్ టన్నుల ఉత్పత్తి జరిగింది. అనుకున్న దానికంటే ఒక శాతం అధికంగా ఉత్పత్తి నమోదైంది. అయితే, డిసెంబర్ మాసాన్ని పరిశీలిస్తే, లక్ష్యం 2.19 లక్షల మెట్రిక్ టన్నులుకాగా, సాధించింది 2.10 లక్షల మెట్రిక్ టన్నులు. అంటే, 4.32 శాతం తక్కువ ఉత్పత్తి జరిగింది. సహజ వాయువు పరిస్థితి కూడా ముడి చమురు మాదిరిగానే ఆశాజనకంగా లేదు. గత ఏడాది ఏప్రిల్ నుంచి డిసెంబర్ వరకు 26.58 లక్షల మెట్రిక్ టన్నులను లక్ష్యంగా ఉంచుకోగా, 24.65 లక్షల మెట్రిక్ టన్నుల ఉత్పత్తి సాధ్యమైంది. లక్ష్య సాధనలో లోటు 7.26 శాతం. గత ఏడాది డిసెంబర్‌లో ఉత్పత్తి లక్ష్యం కంటే 4.86 శాతం తక్కువగా ఉంది. 3.13 లక్షల మెట్రిక్ టన్నుల లక్ష్యం స్థానంలో 2.87 లక్షల మెట్రిక్ టన్నుల ఉత్పత్తి అయింది. ఈ గణాంకాలను పరిశీలించిన తర్వాత, ఈ ఏడాది పరిస్థితి ఏ విధంగా ఉంటుందోనన్న అనుమానం తలెత్తుతోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.