బిజినెస్
బీఈఎల్‌కు భారీ ఆర్డర్
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు: భారత్ ఎలక్ట్రానిక్స్ లిమిటెడ్ (బీఈఎల్)కు భారీ ఆర్డర్ లభించింది. 33 మిలియన్ డాలర్ల విలువైన ఆర్డర్‌ను ఎల్బిట్ సిస్టమ్స్ ఎలక్ట్రో-ఆప్టిక్స్ ఎలాప్ లిమిటెడ్ (ఎలాప్) నుంచి పొందినట్టు సోమవారం విడుదల చేసిన ఒక ప్రకటనలో తెలిపింది. ఎల్బిట్ సిస్టమ్స్ లిమిటెడ్‌కు అనుబంధ సంస్థగా ఉన్న ‘ఎలాప్’ నుంచి ఈ ఆర్డర్ రావడం చాలా ఆనందంగా ఉందని ప్రభుత్వ రంగ సంస్థల నుంచి ఎంపిక చేసిన ‘నవరత్న’ కంపెనీల్లో ఒకటైన బీఈఎల్ తన ప్రకటనలో పేర్కొంది. ఈఓఐఆర్ ప్లేలోడ్స్‌తోపాటు, ఇతర రకాలైన పేలోడ్స్‌ను కూడా బీఈఎల్ తయారు చేస్తున్నది. కేంద్ర ప్రభుత్వం ప్రోత్సహిస్తున్న ‘మేక్ ఇన్ ఇండియా’లో భాగంగా బీఈఎల్ ఇప్పటికే ‘ఎలాప్’తో సాంకేతిక సహకార ఒప్పందం (టీసీఏ) కుదుర్చుకుంది. తద్వారా ప్లేలోడ్స్ తయారీకి అవసరమైన సాంకేతిక పరిజ్ఞానాన్ని ‘ఎలాప్’ నుంచి పొందుతుంది. ఈ ప్లేలోడ్స్‌కు జీవితకాల మెయింటెనెన్స్ సదుపాయాన్ని కూడా ‘ఎలాప్’ అందిస్తుంది. ఇలావుంటే, ఒప్పందం కుదిరిన తర్వాత ఆ కంపెనీ నుంచి బీ ఈఎల్‌కు భారీ ఆర్డర్ లభించడం విశేషం. ఎఓఐఆర్ ప్లేలోడ్స్‌ను తయారుచేసి, సరఫరా చేయగల పూర్తిసామర్థ్యం తమకుందని బీఈఎల్ తన ప్రకటనలో వ్యాఖ్యానించింది. వాటి జీవితకాల నిర్వాహణ బాధ్యతనూ తామే తీసుకుంటామని పేర్కొంది.
పవర్‌గ్రిడ్ నుంచి జీఈకి ఆర్డర్
పవర్‌గ్రిడ్ నుంచి జీఈ టీ అండ్ డీ ఇండియాకు 162 కోట్ల రూపాయల విలువైన ఆర్డర్ దక్కింది. గుజరాత్‌లోని భుజ్ నగర శివార్లలో 2,500 మెగా వాట్స్ సామర్థ్యంగల వాయు విద్యుత్ గ్రిడ్‌ను ఏర్పాటు చేసే బాధ్యతను జీఈకి పవర్‌గ్రిడ్ అప్పచెప్పింది. గ్రీన్ ఎనర్జీ పవర్ ట్రాన్స్‌మిషన్ కారిడార్‌కు అవసరమైన సామాగ్రిని తరలించి, అక్కడ ప్రాజెక్టును పూర్తి చేస్తుంది. పునరుత్పాదక వనరుల నుంచి విద్యుత్‌ను తయారు చేసేందుకే ఈ కారిడార్‌ను ఏర్పాటు చేశారు. భుజ్‌లో 765 కిలోవాట్స్ ఏఐఎస్ సబ్‌స్టేషన్ విస్తరణతోపాటు కొత్తగా 400 కేవీ/ 220 కేవీ గ్యాస్ ఇన్సులేటెడ్ సబ్‌స్టేషన్ నిర్మాణాన్ని జీఈ కంపెనీ చేపట్టి, పూర్తి చేస్తుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.