బిజినెస్
3 శాతం లాభపడిన ఎస్ బ్యాంకు వాటాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 1: ఎస్ బ్యాంక్ వాటాలు శుక్రవారం దాదాపు 3శాతం లాభపడ్డాయి. ఈ బ్యాంకు మేనేజింగ్ డైరెక్టర్, చీఫ్ ఎగ్జిక్యూటివ్ ఆఫీసర్‌గా మూడేళ్ల కాల వ్యవధికి రవనీత్ గిల్ బాథ్యతలు చేపట్టినట్టు బ్యాంకు అధికారులు ప్రకటించిన వెంటనే స్టాక్ మార్కెట్‌లో ఈ బ్యాంకు వాటాలకు సానుకూలతలు ఆరంభం కావడం గమనార్హం. ఎన్‌ఎస్‌ఈలో తొలుత 2.68 శాతం లాభపడి ఒక్కో వాటా ధర 237 రూపాయలకు చేరుకోగా ఆ తర్వాత మరింత లాభపడి 3 శాతం లాభాలతో 236.90 రూపాయల వద్ద ముగిసింది. ఇక వాణిజ్యం విషయానికి వస్తే బీఎస్‌ఈలో దాదాపు 35.43 లక్షల వాటాలు, ఎన్‌ఎస్‌ఈలో 4 కోట్ల యూనిట్ల మేర ట్రేడ్ అయ్యాయి. కాగా రవనీత్‌నీత్ గిల్ ఎస్ బ్యాంకు ఎండీ, సీఈవోగా శుక్రవారం బాధ్యతలు చేపట్టారు. ఆయన 2022 ఫిబ్రవరి 28 వరకు పదవిలో కొనసాగుతారు. ఆయన నియామకాన్ని వాటాదార్లు ఆమోదించాల్సి ఉంది. వచ్చే జూన్‌లో జరిగే బ్యాంకు సర్వసభ్య సమావేశంలో ఈ ఆమోదం జరుగుతుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.