బిజినెస్
కొనసాగుతున్న బుల్ రన్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మార్చి 13: బాంబే స్టాక్ ఎక్ఛ్సేంజ్ (బీఎస్‌ఈ)లో బుల్ ర్యాలీ కొనసాగుతున్నది. వరుసగా మూడో రోజు కూడా స్టాక్ మార్కెట్ లాభాలను ఆర్జించింది. సెనె్సక్స్ 216.51 పాయింట్లు (0.58 శాతం) పెరగడంతో, 37,752.17 పాయింట్ల వద్ద ముగిసింది. అదే విధంగా జాతీయ స్టాక్ ఎక్ఛ్సేంజ్ (ఎన్‌ఎస్‌ఈ)లో నిఫ్టీ 40.50 పాయింట్లు (0.36 శాతం) పెరి, 11,341.70 పాయింట్లుగా నమోదైంది. స్టాక్ మార్కెట్‌పై మదుపరులు ఆసక్తిని ప్రదర్శించడం, అంతర్జాతీయ సూచీలు కూడా సానుకూలంగా స్పందించడం వంటి అంశాలు సెనె్సక్స్‌కు లాభాలను ఆర్జించి పెట్టాయి. ఇండస్‌ఇండ్ బ్యాంక్ షేర్లు అత్యధికంగా 4.15 శాతం లాభాలను ఆర్జించడం విశేషం. ఎస్ బ్యాంక్ 3.67 శాతం, బజాజ్ ఫైనాన్స్ 2.63 శాతం, హెచ్‌డీఫ్‌సీ బ్యాంక్ 2.56 శాతం, ఎస్‌బీఐ 2.15 శాతం చొప్పున లాభాలను సంపాదించాయి. అయితే, స్టాక్ మార్కెట్‌లో సానుకూల పరిస్థితులో ఉన్నప్పటికీ, భారతీ ఎయిర్‌టెల్ ఎవరూ ఊహించని విధంగా భారీ నష్టాలను చవిచూసింది. ఆ సంస్థ షేర్ల ధర 4.08 శాతం పతనమైంది. వేదాంత (3.48 శాతం), సన్ ఫార్మా (2.98 శాతం), టాటా స్టీల్ (2.01 శాతం), కోల్ ఇండియా (1.73 శాతం) కూడా బీఎస్‌ఈలో బుధవారం నష్టాలను ఎదుర్కొన్నాయి. జాతీయ మార్కెట్‌లోనూ ఇండస్‌ఇండ్ బ్యాంక్ షేర్లు లాభాల్లో ట్రేడ్ కావడం విశేషం. 4.32 శాతంతో ఈ బ్యాంక్ షేర్లు లాభపడిన సంస్థల జాబితాలో మొదటి స్థానాన్ని ఆక్రమించింది. ఎస్ బ్యాంక్ 3.56 శాతం, బజాజ్ ఫైనాన్స్ 2.87 శాతం, హెచ్‌డీఎఫ్‌సీ బ్యాంక్ 2.67 శాతం, ఎస్‌బీఐ 2.42 శాతం చొప్పున లాభాలను ఆర్జించాయి. ఎన్‌ఎస్‌ఈలోనూ భారతీ ఎయిర్‌టెల్‌కు నష్టాలు తప్పలేదు. ఆ సంస్థ షేర్లు 4.28 శాతం పతనమయ్యాయి. ఐఓసీ (3.67 శాతం), జీ ఎంటర్‌టైనె్మంట్ (3.41 శాతం), సన్ ఫార్మా (3.13 శాతం), వేదాంత (2.60 శాతం) సంస్థలకు కూడా నష్టాలు తప్పలేదు.
భారత స్టాక్ మార్కెట్‌లో బుధవారం నాటి లావాదేవీలకు సంబంధించిన గణాంకాలను అనుసరించి, విదేశీ సంస్థాగత పెట్టుబడిదారులు 2,477.72 కోట్ల రూపాయల విలువైన షేర్లను కొనుగోలు చేశారు. రూపాయి మారకపు విలువ మరింత బలపడిన నేపథ్యంలో, భారత స్టాక్ మార్కెట్‌పై విదేశీ మదుపరులు ఆసక్తిని ప్రదర్శించారు. దేశంలో నెలకొన్న అనిశ్చిత పరిస్థితులకు తెరపడగా, పాకిస్తాన్‌తో యుద్ధ భయం ప్రస్తుతానికి లేదని స్పష్టం కావడంతో, స్టాక్ మార్కెట్ బలాన్ని పుంజుకుంది. ఫలితంగా వరుసగా మూడో రోజు కూడా లాభాలను సంపాదించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.