బిజినెస్
రెండు కంపెనీల నిరర్థక ఆస్తుల విక్రయం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 9: రెండు కంపెనీలకు చెందిన నిరర్ధక ఖాతాల ఆస్తులు (ఎన్‌పీఏ)ను విక్రయించేందుకు స్టేట్ బ్యాంక్ ఆఫ్ ఇండియా (ఎస్‌బీఐ) ఆస్తుల పునర్వ్యవస్థీకృత కంపెనీలు, ఫైనాన్షియల్ ఇన్‌స్టిట్యూషన్స్ నుంచి ఎక్స్‌ప్రెషన్ ఆఫ్ ఇంట్రెస్ట్ (ఈవోఐ)ను ఆహ్వానించింది. ఈ నిరర్థక ఖాతాల ఆస్తుల విక్రయం ద్వారా దాదాపు రూ.423 కోట్ల రూపాయలు సమీకరించాలని ఎస్‌బీఐ నిర్ణయించింది. కామాక్షి ఇండస్ట్రీస్, ఎస్‌ఎన్‌ఎస్ స్టార్చ్ కంపెనీలకు చెందిన ఈ ఎన్‌పీఏ ఖాతాల విక్రయానికిగాను ఈనెల 25న ఈ-వేలంపాట నిర్వహించనున్నారు. ‘ఆర్థిక ఆస్తుల విక్రయం విషయంలో బ్యాంకు విధానాన్ని అనుసరించి రెగ్యులేటరీ మార్గదర్శకాల ప్రాతిపదికగా ఈ ఖాతాల తాలూకు ఆస్తులను బ్యాంకులు, నాన్‌బ్యాంకింగ్ ఫైనాన్స్ కార్పొరేషన్లు (ఎన్‌బీఎఫ్‌సీలు) ఫైనాన్షియల్ ఇన్‌స్టిట్యూషన్లు (ఎఫ్‌ఐఎస్) తదితరాలకు విక్రయించడం జరుగుతుంద’ని ఎస్‌బీఐ తన తన ఈవోఐ ఆహ్వానంలో పేర్కొంది. ఉక్కు తయారీ పరిశ్రమ కామీక్షీ ఇండస్ట్రీస్ బ్యాంకు బకాయిలు రూ.364.80 కోట్లు ఉన్నాయని, అలాగే తయారీ, ఎగుమతుల సంస్థ ఎస్‌ఎన్‌ఎస్ స్టార్చ్ సైతం రూ.58.87 కోట్ల రూపాయలు బ్యాంకుకు బకాయిపడి ఉందని ఎస్‌బీఐ వివరించింది. కామాక్షి ఇండస్ట్రీస్ విక్రయానికిగాను ఆ కంపెనీ రిజర్వు ధరను రూ.165 కోట్లుగాను, ఎస్‌ఎన్‌ఎస్ స్టార్చ్ రిజర్వు ధరను రూ.36.56 కోట్లుగాను నిర్ణయించినట్టు ఎస్‌బీఐ తెలిపింది. ఆసక్తికలిగిన బ్యాంకులు, ఏఆర్‌సీలు, ఎన్‌బీఎఫ్‌సీ, ఎఫ్‌ఐలు ఈ ఆస్తుల తక్షణ కొనుగోలుకు సంబంధించిన అంగీకారాన్ని తెలియజేయాల్సిందిగా కోరింది. ఈఓఐని సమర్పించిన తర్వాత బ్యాంకుతో ‘వెల్లడించడానికి వీలులేని ఒప్పందం’ చేసుకోవాల్సి వుంటుందని ఎస్‌బీఐ తెలిపింది. ఈ విక్రయం పూర్తిగా ధన ప్రాతిపదికనే జరుగుతుందని బ్యాంకు స్పష్టం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.