బిజినెస్
స్వల్పంగా లాభపడిన సూచీలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 11: సార్వత్రిక ఎన్నికల తొలివిడత పోలింగ్ నేపథ్యంలో దేశీయ స్టాక్ మార్కెట్ సూచీలు గురువారం స్వల్ప ఆధిక్యతనే నమోదు చేశాయి. రోజంతా అస్థిరత నడుమ ఊగిసలాడిన అనంతరం బీఎస్‌ఈలో 30 షేర్ల సూచీ సెనె్సక్స్ 21.66 పాయింట్ల ఆధిక్యతతో 0.06 శాతం లాభాలతో 38,607.01 వద్ద స్థిరపడగా, ఎన్‌ఎస్‌ఈలో నిఫ్టీ సైతం 12.40 పాయింట్లు ఎగబాకి 0.11 శాతం లాభాలతో 11,596.70 మార్కు వద్ద ముగిసింది. సెనె్సక్స్ ప్యాక్‌లో వేదాంత అధికంగా 3.72 శాతం నష్టపోయింది. ఆక్సిస్ బ్యాంక్, సన్‌పార్మా, ఇన్ఫోసిస్, పవర్‌గ్రిడ్, ఐసీఐసీఐ బ్యాంక్, టీసీఎస్, హెచ్‌సీఎల్ టెక్, టాటాస్టీల్, కోటక్ బ్యాంక్, హెచ్‌డీఎఫ్‌సీ, ఇండస్‌ఇండ్ బ్యాంక్, మారుతీ సైతం 1.46 శాతం నష్టాలను సంతరించుకున్నాయి.
మరోవైపు భారతీ ఎయిర్‌టెల్, బజాజ్ ఫైనాన్స్, బజాజ్ ఆటో, రిలయన్స్ ఇండస్ట్రీస్, టాటా మోటార్స్, ఎస్‌బీఐ, హెచ్‌యూఎల్, ఎన్‌పీటీసీ, ఓఎన్‌జీసీ, ఐటీసీ, ఆసియన్ పెయింట్స్ 2.19 శాతం లాభపడ్డాయి. ఇక రంగాల వారీగా చూస్తే బీఎస్‌ఈలో విద్యుత్, టెలికాం, చమురు, సహజవాయువుల సూచీలు 1.11 శాతం ఆధిక్యతను నమోదు చేశాయి. అలాగే లోహ, ఐటీ, టెక్ సూచీలు 1.18 శాతం నష్టపోయాయి. కాగా గురువారం 18 రాష్ట్రాలు, రెండు కేంద్ర పాలిత ప్రాంతాల్లో గల 91 లోక్‌సభ నియోజకవర్గాల్లో ఎన్నికల పోలింగ్ ఆరంభం కావడం మార్కెట్ మూడ్‌ను ప్రభావితం చేసిందని వ్యాపార వర్గాలు అభిప్రాయపడ్డాయి. ఇలావుండగా విదేశీ సంస్థాగత ఇనె్వస్టర్లు (ఎఫ్‌ఐఐలు) ఈక్విటీ మార్కెట్లో బుధవారం 1,429.92 కోట్ల రూపాయల విలువైన వాటాలను కొనుగోలు చేయగా, దేశీయ సంస్థాగత ఇనె్వస్టర్లు (డీఐఐలు) 461.29 కోట్ల రూపాయల విలువైన వాటాలను విక్రయించారని స్టాక్ ఎక్చేంజ్ ప్రాథమిక గణాంకాలు వెల్లడించాయి. ఇక ఆసియన్ మార్కెట్లలో జపాన్, చైనా, కొరియా సూచీలు మిశ్రమ పలితాలను నమోదు చేయగా, ఐరోపాలో జర్మనీ, ఫ్రాన్స్, ఇంగ్లండ్ సూచీలు ఆరంభ సెషన్‌లో సానుకూల వాతావరణంలోనే కదులుతున్నాయి.
ఇలావుండగా అంతర్జాతీయ మార్కెట్లో ముడిచమురు ధరలు 0.44 శాతం తగ్గిపోయి బారెల్ 71.29 డాలర్ల వంతున ట్రేడైంది. డాలర్‌తో రూపాయి విలువ 11 పైసలు పెరిగి 69 రూపాయలకు చేరింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.