బిజినెస్
యూఎస్ నుంచి ఔషధాలు వెనక్కు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 28: నాణ్యతా ప్రమాణాల లోపం కారణంగా అమెరికా నుంచి కొన్ని ఔషధాలను డాక్టర్ రెడ్డీస్, సిప్లా కంపెనీలు వెనక్కు తెప్పించుకుంటున్నాయి. మూర్ఛ, మైగ్రేన్ తలనొప్పి వంటి వ్యాధులను నయం చేయడానికి వాడే డివాల్‌ప్రొయెక్స్ సోడియం ఎక్స్‌టెండెండ్ రిలీస్ టాబ్లెట్లు ఉన్న 33,958 బాటిళ్లను అమెరికా మార్కెట్ నుంచి తెప్పిస్తున్నట్టు డాక్టర్ రెడ్డీస్ ఒక ప్రకటనలో తెలిపింది. అదే విధంగా ముంబయి కేంద్రంగా ఉన్న ప్రముఖ ఔషధ తయారీ సంస్థ సిప్లాకు అనుబంధంగా సంస్థ ఇవాజెన్ ఫార్మాస్యూటికల్స్ అమెరికా నుంచి 7.8 లక్షల టెస్టోస్టెరోన్ సైపియోనేట్ ఇంజక్షన్ వాయిల్స్‌ను తిరిగి తెప్పిస్తున్నది. అమెరికాలోని ఉత్తమ ఉత్పత్తి విధానం (సీజీఎంపీ) నిర్దేశించిన నాణ్యతా ప్రమాణాలు లేని ఔషధాలను మార్కెట్ నుంచి తొలగించాల్సిందేనని అమెరికా చట్టాలు స్పష్టం చేస్తున్నాయి. అదే విధంగా అమెరికా ఫుడ్ అండ్ డ్రగ్ అడ్మినిస్ట్రేషన్ (యూఎస్‌ఎఫ్‌డీఏ) కూడా నాణ్యతా విషయంలో కఠినంగా వ్యవహరిస్తుంది. ఏమాత్రం లోపం కనిపించినా, సదరు ఔషధం మొత్తం బ్యాచ్‌నే మార్కెట్ నుంచి తీసేయాల్సిందిగా ఆదేశిస్తుంది. ఈ క్రమంలో భాగంగానే డాక్టర్ రెడ్డీస్, సిప్లా కంపెనీలు తమతమ ఉత్పత్తుల్లోని కొన్ని రకాల ఔషధాలను వెనక్కు తెప్పించుకుంటున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.