బిజినెస్
గ్రీన్ సర్ట్ఫికెట్స్ అమ్మకాలు పతనం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 4: గ్రీన్ సర్ట్ఫికెట్స్ అమ్మకాలు దారుణంగా పడిపోతున్నాయి. గత ఏడాదితో పోలిస్తే, ఈ ఏడాది ఏప్రిల్‌లో గ్రీన్ సర్ట్ఫికెట్ల అమ్మకాలు 65 శాతం పతనమయ్యాయి. పురుత్పాదక వనరుల నుంచి విద్యుత్ ఉత్పత్తిని ప్రోత్సహిస్తున్న ఇండియన్ ఎనర్జీ ఎక్ఛ్సేంజ్ (ఐఈఎక్స్), పవర్ ఎక్ఛ్సేంజ్ ఆఫ్ ఇండియా (పీఎక్స్‌ఐఎల్) సంయుక్తంగా రిన్యువబుల్ ఎనర్జీ సర్ట్ఫికెట్స్ (ఆర్‌ఈసీ), విద్యుత్ అమ్మకాలను కొనసాగిస్తున్నాయి. సంప్రదాయ విద్యుత్ ఉత్పత్తి కారణంగా పర్యావరణం దెబ్బతింటున్నదని, జల, వాయు కాలుష్యం పెరిగిపోతున్నదని విమర్శలు వెల్లువెత్తుతున్న విషయం తెలిసిందే. రాబోయే సమస్యను దృష్టిలో ఉంచుకొని, గాలి, నీరు, జంతు వ్యర్థాలు వంటి పురుత్పాదక వనరుల నుంచి విద్యుత్‌ను తయారు చేయడాన్ని ఐఈఎక్స్, పీఎక్స్‌ఐఎల్ ప్రోత్సహిస్తున్నాయి. సాంప్రదాయేతర, పునరుద్పాక మార్గాల్లో ఉత్పత్తి చేసిన విద్యుత్‌ను సరఫరా చేస్తున్నాయి. ప్రీ పెయిడ్ విధానంలో గ్రీన్ సర్ట్ఫికెట్స్‌గా వ్యవహరించే ఆర్‌ఈసీలను విక్రయిస్తున్నాయి. ఆర్‌ఈసీల ట్రేడింగ్ ప్రతినెలా చివరి బుధవారం రోజున జరుగుతుంది. అధికారిక లెక్కల ప్రకారం, ఏప్రిల్ మాసంలో, ఐఈఎక్స్‌లో 2.24 లక్షల గ్రీన్ సర్ట్ఫికెట్లు అమ్ముడయ్యాయి. గత ఏడాది ఏప్రిల్‌లో ఇది 7.81 లక్షలు కావడం గమనార్హం. ఐఈఎక్స్ ద్వారా 1,61,949 యూనిట్ల నాన్ సోలార్ ఆర్‌ఈసీలు ట్రేడయ్యాయి. 3,51,915 యూనిట్లు అమ్మకాలు, 6,97,502 యూనిట్ల కొనుగోలు నమోదయ్యాయి. 62,853 సోలార్ యూనిట్లు ట్రేడయ్యాయి. అమ్మకం బిడ్స్ 1,42,148 యూనిట్లుకాగా, కొనుగోలు బిడ్స్ 3,61,606 యూనిట్లు. సోలార్ విద్యుత్తు ఉత్పత్తి చాలా తక్కువగా ఉండడంతో, చాలా మంది గ్రీన్ సర్ట్ఫికెట్లవైపు మొగ్గు చూపడం లేదు.
ఇలావుంటే, పునరుత్పాదక మార్గాల్లో ఉత్పత్తయిన విద్యుత్ సరఫరాకు ప్రత్యేక సౌకర్యాలు లేవు. ఫలితంగా సంప్రదాయ విధానాల్లో ఉత్పత్తి చేస్తున్న విద్యుత్ పంపిణీతోనే సంప్రదాయేతర విద్యుత్ సరఫరా కూడా జరుగుతున్నది. అంటే, ఒక వినియోగదారుడు ఎంత మేరకు సంప్రదాయ విద్యుత్‌ను, ఎంత మేరకు సంప్రదాయేతర విద్యుత్‌ను వాడాడో తెలుసుకునే అవకాశమే లేదు. సాధారణ విద్యుత్ పంపిణీ కేంద్రాలకు ఎంత మొత్తం సాంప్రదాయేతర విద్యుత్‌ను పంపాం? ఆ నెలలో ఇంకా ఎంత మొత్తం మిగిలి ఉంది? అనేది లెక్కిస్తారు. తద్వారా పునరుత్పాదక విధానాల్లో తయారైన విద్యుత్‌ను ఎంత మేరకు పంపిణీ జరిగిందనేది తెలుసుకుంటారు. సోలార్‌సహా సాంప్రదాయేతర లేదా పునరుత్పాదక మార్గాల్లో ఉత్పత్తి చేసిన విద్యుత్ సరఫరా చాలా తక్కువగా ఉండడం, డిమాండ్‌తో ఏమాత్రం పొంతన లేకపోవడంతో గ్రీన్ సర్ట్ఫికెట్ల అమ్మకాలు నత్తనడకన సాగుతున్నాయి. పైగా, ఈ సర్ట్ఫికెట్లపై ప్రజలకు సరైన అవగాహన కూడా కల్పించడం లేదన్నది వాస్తవం. అందుకే, గ్రీన్ సర్ట్ఫికెట్ల అమ్మకాలు రోజురోజుకూ పతనమవుతున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.