బిజినెస్
ఈ వారమూ అనిశ్చితే!
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: భారత స్టాక్ మార్కెట్ ఈ వారం కూడా అనిశ్చిత పరిస్థితిలోనే కొనసాగడం ఖాయంగా కనిపిస్తోంది. అంతర్జాతీయ సూచీలు ప్రతికూలంగా నమోదు కావడంతోపాటు రూపాయి మారకం విలువ పతనం, ముడిచమురు ధరలు పెరగడం వంటి అంశాలు బాంబే స్టాక్ ఎక్స్ఛేంజి (బీఎస్‌ఈ), జాతీయ స్టాక్ ఎక్స్ఛేంజి (ఎన్‌ఎస్‌ఈ)ని తీవ్రంగా ప్రభావితం చేశాయి. గత వారం కేవలం మూడు రోజుల లావాదేవీలు సాధ్యం కాగా, బీఎస్‌ఈలో సెనె్సక్స్, ఎన్‌ఎస్‌ఈలో నిఫ్టీ నష్టాలను చవిచూశాయి. దేశీయ మదుపరులు మద్దతు ఇచ్చినప్పటికీ విదేశీ పెట్టుబడిదారులు షేర్ల అమ్మకాలకు మొగ్గుచూపడంతో పరిస్థితి అగమ్యగోచరంగా మారింది. ట్రేడింగ్ జరిగిన మూడు రోజుల్లోనూ ఇంట్రాడే లావాదేవీలు ఒక దశలో అత్యధికంగా, మరో దశలో అత్యల్పంగా నమోదయ్యాయి. మార్కెట్ స్థిరంగా ముందుకు సాగడం లేదనడానికి ఇదో ఉదాహరణ. వివిధ కంపెనీలు గత ఆర్థిక సంవత్సరం చివరి, నాలుగో త్రైమాసిక ఫలితాలను ప్రకటిస్తున్న నేపథ్యంలో స్టాక్ మార్కెట్ సూచీలు వేగంగా కదులుతున్నాయి. ఈ చలనం కొన్ని సమయాల్లో సూచీలను పెంచితే, మరికొన్ని సమయాల్లో సూచీల పతనానికి కారణం అవుతున్నాయి. పారిశ్రామిక ఉత్పత్తి ఎంత ఉంటుంది అన్న అంశంపై సోమవారం ప్రారంభం కానున్న కొత్త వారంలో ట్రేడింగ్ ఆధారపడి ఉంటుందని నిపుణులు అంటున్నారు. సేవా రంగానికి సంబంధించిన వృద్ధి రేటు కూడా వచ్చే వారమే తెలుస్తుంది. కాబట్టి ఈ ఫలితాలు వచ్చేవరకు మార్కెట్ అనిశ్చితి తప్పదన్న వాదన బలంగా వినిపిస్తోంది. కెనరా బ్యాంక్, ఇండియన్ ఓవర్‌సీస్ బ్యాంక్, వేదాంత వంటి సంస్థల నికర లాభం ఏమేరకు ఉంటుంది అనేది కూడా స్టాక్ మార్కెట్‌ను ప్రభావం చేయడం ఖాయంగా కనిపిస్తోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.