బిజినెస్
రిటైల్ స్థిరాస్తి రంగంలోకి ప్రైవేటు ఈక్విటీల పెట్టుబడులు ద్విగుణీకృతం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 19: భారతీయ రీటైల్ స్థిరాస్తి రంగంలో గత రెండేళ్ల నుంచి ప్రైవేటు పెట్టుబడులు ద్విగుణీకృతమయ్యాయి. 2017-18 నుంచి ఇప్పటి వరకు మొత్తం 1.2 బిలియన్ డాలర్ల విలువైన పెట్టుబడులు ఈ రంగంలో వచ్చాయి. ఎఫ్‌డీఐ విధానాలను సరళీకృతం చేసిన తర్వాత ప్రైవేటు పెట్టుబడులు ఈ రంగంలోకి అధికమయ్యాయని, ప్రత్యేకించి టైర్-1 నగరాల్లో మల్టీబ్రాండ్ రీటెయిల్‌లో 51 శాతం ఎఫ్‌డీఐలు, సింగిల్ బ్రాండ్ రీటెయిల్ వ్యాపారంలో ఆటోమేటిక్ రూట్ ద్వారా 100 శాతం ఎఫ్‌డీఐలకు వెసులుబాటు కల్పించడం వంటివి జరిగిన తర్వాత స్థిరాస్తి రీటైల్ రంగంలోకి ప్రైవేటు ఈక్విటీల వెల్లువ ఆరంభమైందని మార్కెట్ విశే్లషకులు భావిస్తున్నారు. 2015-16 క్యాలెండర్ ఇయర్‌లో రీటైల్ స్థిరాస్థి రంగంలోకి 600 మిలియన్ డాలర్ల మేర వచ్చిన ప్రైవేటు ఈక్విటీల పెట్టుబడులు 2017-18 నాటికి 1.2 బిలియన్ డాలర్లకు ఎగబాకిందని గణాంకాలు చెబుతున్నాయి. అంటే గత నాలుగేళ్లుగా మొత్తం 1.84 బిలియన్ డాలర్ల విలువైన వాటాల కొనుగోళ్లు జరిగాయి. ఇక టైర్-2,3 నగరాలు సైతం సుమారు 48 శాతం అంటే 380 మిలియన్ డాలర్ల నిధులు ఆకర్షించగలిగాయి. టైర్-2,3 నగరాల్లో అత్యధిక ప్రాధాన్యం కలిగిన అమృత్‌సర్, అహ్మదాబాద్, భువనేశ్వర్, చండీగర్, ఇండోర్, మోహాలీ ఈ పెట్టుబడులు అత్యధికంగా ఆకర్షించాయి. అమెరికాకు చెందిన బ్లాక్‌స్టోన్, గోల్డ్‌మన్ సాక్స్ వంటి సంస్థలు 2015-2018 వరకు అధిక శాతం నిధులు (సుమారు ఒక బిలియన్ డాలర్లు) భారతీయ రీటెయిల్ రియల్ ఎస్టేట్ రంగంలో మదుపు చేశాయి. అలాగే యూఏఈ, సింగపూర్, కెనడా, నెదర్లాండ్స్‌కు చెందిన నిధులు సైతం ఈ రంగంలోకి వచ్చాయి. టైర్-2, 3 నగరాల్లో షాపింగ్‌మాల్స్ అధిక స్థాయిలో లాభాలను పండించాయని విశే్లషకుడు శోబిత్ అగర్వాల్ తెలిపారు. 2019-22 ఆర్థిక సంవత్సరాల నడుమ టైర్-1 నగరాల్లో 39 మిలియన్ల చదరపు అడుగుల సంఘటిత స్థలాల్లో 71 శాతం మేర పెట్టుబడులు, వాణిజ్యం విస్తరించే అవకాశాలున్నాయని, మిగిలిన 29 శాతం వృద్ధి టైర్-2,3 నగరాల్లో జరుగుతుందని అరుణ్ కేజ్రీవాల్ అనే మార్కెట్ విశే్లషకుడు పేర్కొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.