బిజినెస్
క్లెయిమ్ నిరాకరణ కుదరదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 6: బీమా చేసుకోవడానికి ముందే సదరు వ్యక్తి వ్యాధి కలిగి ఉన్నాడనే అనుమానంతో అతడి క్లెయిమ్‌ను బీమా కంపెనీ నిరాకరించజాలదని నేషనల్ కన్స్యూమర్ డిస్పూట్స్ రిడ్రెసల్ కమిషన్ (ఎన్‌సీడీఆర్‌సీ) స్పష్టం చేసింది. ఒకవేళ బీమా చేయించుకోవడానికి ముందే ఒక వ్యక్తి వ్యాధి కలిగి ఉన్నప్పటికీ అతడికి ఆ విషయం తెలిసి ఉండకపోతే, ఆ వ్యాధికి చికిత్స తీసుకొని ఉండకపోతే అతడి క్లెయిమ్‌ను బీమా కంపెనీ నిరాకరించజాలదని ఎన్‌సీడీఆర్‌సీ పేర్కొంది. మహారాష్ట్ర స్టేట్ కమిషన్ జారీ చేసిన ఆదేశాలను సవాలు చేస్తూ రిలయన్స్ లైఫ్ ఇన్సూరెన్స్ కంపెనీ లిమిటెడ్ దాఖలు చేసిన రివిజన్ పిటిషన్‌ను తోసిపుచ్చుతూ ఎన్‌సీడీఆర్‌సీ ఈ వ్యాఖ్యలు చేసింది. డయాబెటిక్ కీటోఅసిడోసిస్‌తో చనిపోయిన ఒక పాలసీ హోల్డర్ భర్తకు రూ. 1,12,500 చెల్లించాల్సిందిగా జిల్లా ఫోరం జారీ చేసిన ఆదేశాలను సవాలు చేస్తూ రిలయన్స్ లైఫ్ ఇన్సూరెన్స్ కంపెనీ లిమిటెడ్ చేసిన అప్పీల్‌ను తోసిపుచ్చుతూ ఇదివరకే మహారాష్ట్ర స్టేట్ కమిషన్ ఆదేశాలు జారీ చేసింది. రిలయన్స్ లైఫ్ ఇన్సూరెన్స్ కంపెనీ లిమిటెడ్‌కు వ్యతిరేకంగా ఫిర్యాదు చేసిన పాలసీ హోల్డర్ భర్తకు కలిగిన శారీరక, మానసిక ఇబ్బందులకు గాను రూ. అయిదు వేలు, వ్యాజ్యం వ్యయం కింద రూ. మూడు వేలు చెల్లించాలని కూడా జిల్లా ఫోరం రిలయన్స్ లైఫ్ ఇన్సూరెన్స్ కంపెనీ లిమిటెడ్‌ను ఆదేశించింది. రిలయన్స్ లైఫ్ ఇన్సూరెన్స్ కంపెనీ లిమిటెడ్ దాఖలు చేసిన రివిజన్ పిటిషన్‌ను తోసిపుచ్చుతూ, బీమా చేయించుకోవడానికి ముందే సదరు వ్యక్తికి వ్యాధి ఉందని నిరూపించాల్సిన బాధ్యత బీమా కంపెనీదే అని కూడా ఎన్‌సీడీఆర్‌సీ స్పష్టం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.