బిజినెస్
వొడాఫోన్-ఐడియా వాటాలు 27 శాతం పతనం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 29: ‘వొడాఫోన్ ఐడియా’ లిమిటెడ్ వాటాలు సోమవారం 27 శాతం పతనమయ్యాయి. కంపెనీ తొలి త్రైమాసిక ఫలితాలు బలహీనంగా ఉండటంతో మదుపర్లు ఆసక్తి చూపకపోవడంతోబాటు ఈ సంస్థ మార్కెట్ విలువ రూ. 7,126 కోట్లకు తగ్గిపోవడం సోమవారం తీవ్ర ప్రతికూల ప్రభావాన్ని చూపింది. బీఎస్‌ఈలో ఈ సంయుక్త కంపెనీ వాటా ధర 26.81 శాతం పడిపోయి 52 వారాల కనిష్ట స్థాయి రూ. 6.75కు చేరింది. అలాగే ఎన్‌ఎస్‌ఈలో సైతం 27 శాతం పడిపోయిన వాటాల విలువ ఒక్కోవాటా ధర రూ. 6.75కు చేరింది. బీఎస్‌ఈలో ఈ కంపెనీ విలువ ఏకంగా రూ. 19,453.86 కోట్ల నుంచి రూ. 7.126 కోట్లకు తగ్గిపోయింది. ట్రేడ్ వాల్యూ ప్రకారం బీఎస్‌ఈలో ఈ కంపెనీకి చెందిన 484.86 లక్షల వాటాలు, ఎన్‌ఎస్‌ఈలో 66 కోట్ల వాటాలు ట్రేడయ్యాయి. గ్రూప్ ఫేర్లలోనూ అమ్మకాల వత్తిడి నెలకొంది. బీఎస్‌ఈలోగ్రాసిమ్ ఇండియా లిమిటెడ్ 9.08 శాతం, ఆదిత్య బిర్లా మనీ 1.65 శాతం, అల్ట్రాటెక్ సిమెంట్ 2.94శాతం, హిండాల్కో ఇండస్ట్రీస్ లిమిటెడ్ 2.54 శాతం వంతున నష్టపోయాయి. ఈగ్రూప్ కంపెనీలు మొత్తం రూ. 17,500 కోట్ల సామూహిక నష్టాన్ని చవిచూశాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.