బిజినెస్
వరుసగా మూడో రోజూ లాభాల్లో మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి : వరుసగా మూడోరోజూ దేశీయ స్టాక్ మార్కెట్లు లాభాల బాటపట్టాయి. వాహన, లోహ, ఫైనాన్షియల్ స్టాక్స్ మంచి లాభాలను అందుకోవడం మార్కెట్ల ఫలితాలను ప్రభావితం చేసింది. బీఎస్‌ఈ 30 షేర్ల సూచీ సెనె్సక్స్ మంగళవారం నాడు 147.15 పాయింట్లు (0.39శాతం) లాభపడి 37,641.27 పాయింట్ల ఎగువన స్థిరపడింది. ఇంట్రాడేలో ఈ సూచీ 37.731.51 పాయింట్ల గరిష్టం, 37,449.69 పాయింట్ల కనిష్టం నడుమ కదలాడింది. అలాగే బ్రాడర్ ఎన్‌ఎస్‌ఈ సూచీ నిఫ్టీ సైతం 47.50 పాయింట్లు (0.43శాతం) లాభపడి 11,105.35 పాయింట్ల ఎగువన స్థిరపడింది. ఇంట్రాడేలో ఈ సూచీ ఓ దశలో 11,141.75 పాయింట్ల గరిష్టానికి ఎగబాకి తర్వాత 11,049.50 పాయింట్ల కనిష్టానికి దిగింది. కాగా సెనె్సక్స్ ప్యాక్‌లో టాటామోటార్స్ అత్యధికంగా 8.87 శాతం లాభపడింది.
అలాగే టాటాస్టీల్, ఎన్‌టీపీసీ, ఇండస్‌ఇండ్ బ్యాంక్, వేదాంత, ఎం అండ్ ఎం సైతం 3,85 శాతం లాభాలను సంతరించుకున్నాయి. మరోవైపు భారతి ఎయిర్‌టెల్, ఇన్ఫోసిస్, టెక్ మహీంద్రా, టీసీఎస్, కోటక్ బ్యాంక్, సన్‌పార్మా, హెచ్‌యూఎల్, యాక్సిస్ బ్యాంక్ 3.58 శాతం నష్టపోయాయి. కాగా రిజర్వు బ్యాంక్ రూ. 1.76 లక్షల కోట్లు ప్రభుత్వానికి బదిలీ చేసేందుకు నిర్ణయం తీసుకోవడం మదుపర్ల సెంటిమెంటుపై సానుకూల ప్రభావం చూపింది. ఈ నిధుల బదిలీ కారణంగా ద్రవ్య లభ్యత గణనీయంగా పెరిగి ఆర్థికాభివృద్ధికి దోహదం చేస్తుందని విశే్లషకులు అంచనా వేస్తున్నారు. ఈక్రమంలో దేశీయ స్టాక్ మార్కెట్లు లాభాల పట్టగా అంతర్జాతీయ స్టాక్ మార్కెట్లు పుంజుకోవడం కూడా దేశీయ మార్కెట్లకు ఊతమిచ్చిందని అంటున్నారు. ప్రధానంగా అమెరికా-చైనా వాణిజ్య యుద్ధంపై ఇరు దేశాలు మరోమారు సమీక్షించనున్నాయని అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలు అన్ని దేశాల మార్కెట్లలో సానుకూలతలకు దోహదం చేశాయి. ఈక్రమంలో ఆసియా మార్కెట్లలో షాంఘై కాంపోజిట్ సూచీ, హ్యాంగ్‌సెంగ్, కోస్పి, నిక్కీ మంగళవారం లాభాల్లో ముగియగా, ఐరోపా మార్కెట్లు సైతం ఆరంభ ట్రేడింగ్‌లో లాభాలను సంతరించుకున్నాయి.
బలపడిన రూపాయి
అమెరికన్ డాలర్‌తో పోలిస్తే రూపాయి మారకం విలువ మంగళవారం 32 పైసలు బలపడింది. ఇంట్రాడేలో డాలర్‌పై 71.70 రూపాయలుగా ట్రేడైంది. ఇక అంతర్జాతీయ మార్కెట్లో ముడిచమురు ధరలు 0.93 శాతం పెరిగాయి. బ్యారెల్ 58.66 డాలర్లుగా ట్రేడైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.