బిజినెస్
దేశీయ స్టాక్ మార్కెట్లు డీలా
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి : వరుసగా మూడు రోజులపాటు భారీ లాభాలు గడించి జోష్‌మీదున్న దేశీయ స్టాక్ మార్కెట్లు బుధవారం నష్టాల్లోకి జారాయి. లోహ, విద్యుత్, బ్యాంకింగ్, వాహన కౌంటర్లు డీలా పడటంతోబాటు, అంతర్జాతీయంగా ఆర్థిక మాంద్యం తీవ్ర స్థాయికి చేరడం దేశీయ మార్కెట్లపై ప్రతికూల ప్రభావం చూపాయి. ఈక్రమంలో బీఎస్‌ఈ 30 షేర్ల సూచీ సెనె్సక్స్ 189.43 పాయింట్లు కోల్పోయి 0.50 శాతం నష్టాలతో 37,451.84 పాయింట్ల కనిష్ట స్థాయిలో స్థిరపడింది. ఇంట్రాడేలో ఈ సూచీ 37,687.82 పాయింట్ల గరిష్టం, 37,249.19 పాయింట్ల కనిష్టం నడుమ కదలాడింది. అలాగే బ్రాడర్ ఎన్‌ఎస్‌ఈ సూచీ నిఫ్టీ సైతం 59.25 పాయింట్లు కోల్పోయి 0.53 శాతం నష్టాలతో 11,046.10 పాయింట్ల కనిష్ట స్థాయిలో స్థిరపడింది. ఇంట్రాడేలో ఈ సూచీ ఓ దశలో 11,129.65 పాయింట్ల గరిష్టాన్ని, మరోదశలో 10,987.65 పాయింట్ల కనిష్టాన్ని తాకింది. యెస్ బ్యాంకు అత్యధికంగా 7.47 శాతం నష్టపోయింది. ఈ బ్యాంకుకు సంబంధించిన దీర్ఘకాలిక విదేశీ మారక ద్రవ్య బట్వాడా రేటింగ్‌ను తగ్గిస్తూ మూడీస్‌కు చెందిన పెటుబడుల సేవల విభాగం అధ్యయ నివేదిక ప్రకటించడంతో స్టాక్ మార్కెట్లో ఈ బ్యాంకు వాటాలపై ప్రతికూల ప్రభావం పడింది. అలాగే వేదాంత, టాటాస్టీల్, టాటామోటార్స్, ఓఎన్‌జీసీ, ఎం అండ్ ఎం, మారుతీ, ఎన్‌టీపీసీ, హెచ్‌యూఎల్ సైతం 4.06 శాతం నష్టపోయాయి. మరోవైపు హెచ్‌సీఎల్ టెక్, ఇన్ఫోసిస్, టెక్ మహీంద్రా, హెచ్‌డీఎఫ్‌సీ, టీసీఎస్, ఏసియన్ పెయింట్స్ 2,61 శాతం లాభాలను సంతరించుకున్నాయి. తీవ్ర స్థాయికి చేరుకున్న అంతర్జాతీయ ఆర్థిక మాంద్యం మదుపర్లలో అభద్రతా భావాన్ని నింపిందని వాణిజ్యవర్గాలు పేర్కొంటున్నాయి. ఈక్రమంలోనే ఆసియా మార్కెట్లు సైతం మిశ్రమ ఫలితాలను నమోదు చేశాయి. ప్రధానంగా షాంఘై కాంపోజిట్ సూచీ, హ్యాంగ్‌సెంగ్ నష్టాల్లో ముగియగా, కోస్పి, నిక్కీ లాభపడ్డాయి. ఐరోపా మార్కెట్లు ఆరంభ ట్రేడింగ్‌లో నష్టాలతో సాగాయి.
రూపాయి బలహీనం
అమెరికన్ డాలర్‌తో పోలిస్తే రూపాయి మారకం విలువ బుధవారం 27 పైసలు బలహీనపడింది. మొత్తం విలువ 71.75 రూపాయలుగా ట్రేడైంది. కాగా ముడిచమురు ధరలు మాత్రం అంతర్జాతీయ మార్కెట్లో 1.07 శాతం పెరిగాయి. బ్యారెల్ 59.66 డాలర్లు వంతున ట్రేడైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.