బిజినెస్
వాటా అమ్మనున్న ‘హెరిటేజ్’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 19: ప్రముఖ వ్యాపారవేత్త కిషోర్ బియానీ నేతృత్వంలోని ఫ్యూచర్ గ్రూపునకు వాటాను అమ్మేందుకు గల అవకాశాలపై ఆ సంస్థతో చర్చలు జరుపుతున్నట్లు హెరిటేజ్ ఫుడ్స్ సంస్థ సోమవారం వెల్లడించింది. వ్యాపారంలో అనుబంధాన్ని ఏర్పరచుకునేందుకు గల అవకాశాలపై రెండు సంస్థల మధ్య చర్చలు జరుగుతున్నాయని, అయితే ప్రస్తుతం ఈ చర్చలు స్వభావ రీత్యా ‘అనే్వషణాత్మక’ దశలోనే ఉన్నాయని బాంబే స్టాక్ ఎక్స్‌చేంజికి ఇచ్చిన వివరణలో హెరిటేజ్ ఫుడ్స్ పేర్కొంది. రిటైల్ వ్యాపారాన్ని ఫ్యూచర్ గ్రూపునకు అమ్మేందుకు తాము జరుపుతున్న చర్చలు పురోగమన దిశలో ఉన్నట్లు వచ్చిన వార్తలకు స్పందిస్తూ హెరిటేజ్ ఫుడ్స్ ఈ విషయాన్ని వెల్లడించింది. తెలుగుదేశం పార్టీ అధినేత, ప్రస్తుత ఆంధ్రప్రదేశ్ ముఖ్యమంత్రి నారా చంద్రబాబు నాయడు 1992లో స్థాపించిన హెరిటేజ్ ఫుడ్స్ సంస్థ డెయిరీ, రిటైల్, అగ్రి, బేకరీ, పునర్వినియోగ ఇంధనం, పశువుల మేత తదితర రంగాల్లో వ్యాపార కార్యకలాపాలను సాగిస్తూ గత ఆర్థిక సంవత్సరం (2015-16)లో 2,380.58 కోట్ల రూపాయల టర్నోవర్ సాధించింది.
ఎంఆర్‌పిఎల్ పన్ను ఎగవేతపై
రెవెన్యూ అధికారుల దృష్టి
న్యూఢిల్లీ, సెప్టెంబర్ 19: ఓఎన్‌జిసికి అనుబంధంగా పనిచేస్తున్న మంగళూర్ రిఫైనరీ అండ్ పెట్రోకెమికల్స్ లిమిటెడ్ (ఎంఆర్‌పిఎల్) దాదాపు 10 కోట్ల రూపాయల ఎక్సైజ్ సుంకాన్ని ఎగ్గొట్టినట్లు ఆరోపణలు రావడంతో ఆ సంస్థపై కేంద్ర రెవెన్యూ విభాగ అధికారులు దృష్టి సారించారు. న్యూఢిల్లీలోని డైరెక్టరేట్ జనరల్ ఆఫ్ సెంట్రల్ ఎక్సైజ్ ఇంటెలిజన్స్ ఇప్పటికే ఈ కేసులో దర్యాప్తు ప్రారంభించి మంగళూరు కేంద్రంగా పనిచేస్తున్న ఎంఆర్‌పిఎల్ నుంచి కొన్ని వివరణలు కోరిందని అధికార వర్గాలు వెల్లడించాయి. ఎంఆర్‌పిఎల్ ఉత్పత్తి చేస్తున్న సుగంథ భరిత ద్రవ హైడ్రోకార్బన్ ‘మిక్స్‌డ్ జిలేన్’కు తప్పుడు క్లాసిఫికేషన్ ఇచ్చినందుకు ఈ కేసు నమోదైందని ఆ వర్గాలు తెలిపాయి. జిలేన్‌ను మినరల్ ఆయిల్‌గా ప్రకటించి 14 శాతం సుంకాన్ని చెల్లించాల్సి ఉండగా, దానిని ఆర్గానిక్ కెమికల్‌గా పేర్కొంటూ 12.5 శాతం మాత్రమే సుంకాన్ని చెల్లిస్తున్నట్లు ఆరోపణలు రావడంతో ఎంఆర్‌పిఎల్‌పై కేసు నమోదైందని అధికార వర్గాలు వివరించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.