రాష్ట్రీయం
శ్రీకాళహస్తి ఆలయ ప్రధానార్చకుడు బాబూ గురుకుల్ కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకాళహస్తి, నవంబర్ 20: శ్రీకాళహస్తీశ్వర స్వామి దేవస్థానం ప్రధానార్చకుడు ఎస్‌ఎంకె బాబుగురుకుల్ (78) ఆదివారం కన్నుమూశారు. గత కొంతకాలంగా ఆయన అనారోగ్యంతో చెన్నైలో చికిత్స పొందుతున్నారు. ఈనేపథ్యంలో ఆయన ఆరోగ్య పరిస్థితి విషమించడంతో కుటుంబ సభ్యులు వెంటిలేటర్‌పై ఉంచి ప్రత్యేక వాహనంలో శనివారం రాత్రి శ్రీకాళహస్తిలోని ఆయన స్వగృహానికి తీసుకొచ్చారు. వెంటిలేటర్ తీసిన కొంత సమయానికి ఆదివారం తెల్లవారుజామున శుభగడియల్లో ఆయన కన్నుమూశారు. కాగా ముక్కంటీశునికి ఆయన దశాబ్దాల తరబడి పూజలు చేస్తూ అందరి మన్ననలు పొందారు. ఆయన పార్థివ దేహానికి అంత్యక్రియలు శ్రీకాళహస్తిలో ఘనంగా జరిగాయి. ఆయన మృతికి సంతాపసూచకంగా ఉదయం నుంచి ఆలయాన్ని మూసివేశారు. దేవస్థానం తరఫున అంత్యక్రియలకు అవసరమైన సామగ్రిని ట్రస్టుబోర్డు అధ్యక్షుడు గురవయ్యనాయుడు, సభ్యులు, ఇఓ భ్రమరాంబ అందజేశారు. దేవస్థానం ట్రస్టుబోర్డు అధ్యక్షుడు గురవయ్యనాయుడు, శాప్ చైర్మన్ పిఆర్ మోహన్, మాజీ ఎమ్మెల్యే ఎస్‌సివి నాయుడు, మునిసిపల్ మాజీ చైర్మన్ శాంతారాం పవార్, మాజీ ఎంపిపి హరినాథరెడ్డి, మాజీ ఎంపి చింతా మోహన్ తదితరులు మృతదేహానికి నివాళులు అర్పించారు.
నేటినుంచి భక్తులకు దర్శనం
ముక్కంటీశుని ఆలయ ప్రధానార్చకుడు బాబు గురుకుల్ మృతిచెందిన నేపథ్యంలో ఆదివారం ఆలయాన్ని మూసివేశారు. అంత్యక్రియలు పూర్తయిన తరువాత పూజారులు ఆలయంలో సంప్రోక్షణ నిర్వహించారు. సోమవారం తెల్లవారుజామున 3.30 గంటల నుంచి దర్శనం యధావిధిగా ఉంటుందని ఆలయ అధికారులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.