నల్గొండ: నల్గొండ పట్టణంలోని వివేకానంద విగ్రహం వద్ద శనివారం ఉదయం రెండు బైక్‌లు ఢీకొన్న ఘటనలో ఓ వ్యిక్తి మరణించాడు. సమాచారం తెలిసిన వెంటనే పోలీసులు ఘటనా స్థలికి చేరుకొని కేసు నమోదు చేశారు.

హైదరాబాద్: అనుమానం పెనుభూతం కావడంతో ఓ భర్త భార్యను హతమార్చిన సంఘటన శనివారం ఉదయం మాదాపూర్‌లో వెలుగు చూసింది. స్థానికుల సమాచారం మేరకు పోలీసులు మృతదేహాన్ని పోస్టుమార్టంకు తరలించి కేసు దర్యాప్తు ప్రారంభించారు.

హైదరాబాద్: కొద్ది రోజుల విరామం అనంతరం ‘సూదిగాడి’ కలకలం మళ్లీ ప్రారంభమైంది. శనివారం ఉదయం వనస్థలంపురంలో ద్విచక్ర వాహనంపై వెళ్తున్న ఓ మహిళపై గుర్తు తెలియని వ్యక్తి సిరంజితో ఇంజక్షన్ ఇచ్చాడు. ఈ ఘటన స్థానికంగా కలకలం సృష్టించింది.

జనగామ , డిసెంబర్ 4: కోర్టుకేసులో ఐఎస్‌ఐ ఉగ్రవాది ఎస్‌కె అబ్దుల్ ఖాజా శుక్రవారం వరంగల్ జిల్లా జనగామ కోర్టుకు హాజరయ్యారు. 11-11-11రోజున పేరుమోసిన ఉగ్రవాది వికారొద్దీన్‌తో పాటు మరో నలుగురు ఉగ్రవాదులను హైద్రాబాద్ నుండి వరంగల్‌కు తరలిస్తుండగా తమకు బిర్యానీ కావాలని వారు ఎస్కార్ట్ పోలీసులపై తిరగబడగా వారు జనగామ పోలీసుస్టేషన్‌లో ఫిర్యాదు చేశారు.