అమరావతి, నవంబర్ 5: రాష్ట్రంలో అమలవుతున్న కేంద్ర ప్రభుత్వ పథకాలను నిర్దేశిత లక్ష్యాల ప్రకారం పూర్తిచేయాలని ప్రభుత్వ ప్రధాన కార్యదర్శి అనిల్‌చంద్ర పునేఠా ఆదేశించారు. సచివాలయంలోని తన కార్యాలయంలో సోమవారం రాష్ట్ర హోం, వైద్య, ఆరోగ్య శాఖ, ట్రాన్స్‌కో ఉన్నతాధికారులతో ఆయన సమీక్ష సమావేశం నిర్వహించారు.

పోలవరం, నవంబర్ 5: పశ్చిమ గోదావరి జిల్లాలో పోలవరం ప్రాజెక్టు నిర్మాణ ప్రాంతానికి వెళ్లే రహదారి పైకి ఉబికి, బీటలు తీసిన నేపథ్యంలో ప్రత్యామ్నాయ మార్గాన్ని అధికారులు సిద్ధంచేశారు. సోమవారం ప్రత్యామ్నాయ రహదారి నిర్మాణం పూర్తవ్వడంతో రాకపోకలు ప్రారంభమయ్యాయి. గత శనివారం ప్రాజెక్టుకు వెళ్లే రోడ్డు ఆరు మీటర్ల ఎత్తుకు పెరగడంతోపాటు బీటలు తీయడంతో 19 గిరిజన గ్రామాలకు రాకపోకలు నిలిచిపోయిన విషయం విదితమే.

విజయవాడ, నవంబర్ 5: రాష్ట్రంలో వివిధ పాఠశాలల్లో పనిచేస్తున్న స్పెషల్ టీచర్ల సర్వీసుకు అప్రయత్న పదోన్నతి, సర్వీసు లెక్కింపు ఉత్తర్వులను రాష్ట్ర ప్రభుత్వం సోమవారం జారీ చేసింది. 1990 నుంచి 1996 మధ్య 398 రూపాయల వేతనంపై పనిచేస్తున్న స్పెషల్ టీచర్ల సర్వీస్ లెక్కించేందుకు నిర్ణయించింది. దీనివల్ల స్పెషల్ టీచర్లకు సమన్యాయం జరగనుంది.

విజయవాడ, నవంబర్ 5: కడపలో ఈ నెల 11న జాతీయ మైనారీటీ సంక్షేమ దినోత్సవాన్ని ఘనంగా నిర్వహించనున్నట్లు రాష్ట్ర మైనారిటీస్ కార్పొరేషన్ చైర్మన్ ఎండీ హిదాయత్ తెలిపారు. వెలగపూడి సచివాలయంలో ఆయన సోమవారం విలేఖరులతో మాట్లాడుతూ నాలుగున్నర సంవత్సరాల్లో టీడీపీ ప్రభుత్వ హయంలో జరిగిన అభివృద్ధి కార్యక్రమాలను ప్రజల్లోకి తీసుకెళ్లేందుకు ఈ కార్యక్రమాన్ని ఘనంగా నిర్వహిస్తామన్నారు.