అంతర్జాతీయం
గ్వాటెమాలాలో పేలిన అగ్నిపర్వతం.. 25 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
గ్వాటెమాలా సిటీ, జూన్ 4: ఆదివారం ఫ్యూగో అగ్నిపర్వతం పేలిన సంఘటనలో కనీసం 25 మంది ప్రజలు మరణించారు. పేలిన అగ్నిపర్వతం నుంచి పెద్దఎత్తున వెలువడుతున్న బూడిద, రాళ్ల కారణంగా, గ్వాటెమాలా విమానాశ్రయాన్ని మూసివేశారు. తగిన వెలుతురు లేకపోవడం, ప్రమాదకర పరిస్థితుల నేపథ్యంలో మరణించినవారి ఆచూకీ కోసం చేస్తున్న యత్నాలను తాత్కాలికంగా నిలిపివేశారు. అగ్ని పర్వతం నుంచి వెలువడుతున్న బూడిద చుట్టుపక్కల ప్రాంతాలను కప్పేస్తోంది. పెద్ద ఎత్తున బూడిద వెలువడుతుండటంతో రైతులు ప్రాణాలు అరచేత పట్టుకొని పారిపోయారు. సైన్యం వీరందరిని సహాయక శిబిరాలకు తరలించింది. అధ్యక్షుడు జిమీ మొరాలెస్... ఇస్‌క్యుంట్లా, ఛిమాల్టెనాంగో, సాకటెపెక్విజ్ ప్రాంతాల్లో అత్యవసర పరిస్థితి ప్రకటించారు. వందలాది మంది పోలీసులు, రెడ్‌క్రాస్ సంస్థకు చెందినవారు, సైన్యాన్ని ప్రభావిత ప్రాంతాలకు తరలించారు. ఇప్పటివరకు మూడువేల మందిని సురక్షిత ప్రాంతాలకు తరలించినట్టు విపత్తు నివారణ అధికార్లు తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.