అందుకే కొత్త సినిమాల్లేవ్!

ఏదైనా సమాధానం చెప్పడంలో సమంత తీరే వేరు. ఎదుటివారి ప్రశ్నలకు ఎక్కడా దొరక్కుండా సమాధానాలు చెప్పి తప్పించుకోవడం, ఆమె చెప్పిన సమాధానాల్లో అంతరార్థం అర్థం చేసుకోవడానికి ఆలోచించుకునేందుకు సమయం ఇవ్వడం, ఈలోగా కొత్త ప్రశ్నలు రాకుండా అడ్డుకోవడం అన్న విద్య సమ్ముకు తెలిసినట్లుగా మరొకరికి తెలీదు. కొంతకాలంగా నాగచైతన్యతో ఆమె ప్రేమలో పడిందనీ, త్వరలో పెళ్లనీ వార్తలు వస్తున్నాయి. ఆ విషయాన్ని కూడా చెప్పీ చెప్పకుండా, చెప్పిన సమాధానాలు బేరీజు వేసి, నిజాన్ని అభిమానులే పసికట్టారు. చైతుతో ఆమె ప్రేమవ్యవహారంలో మునిగితేలుతోందని, త్వరలో పెళ్లనీ వారు చెప్పాకే ఆమె ఓకే అన్నది. ఇప్పుడు కూడా సినిమాలు ఎందుకు ఒప్పుకోవడంలేదని పలువురు అభిమానులు ప్రశ్నల బాణాలు సంధిస్తున్నారు. ఇప్పుడు కూడా పాత స్ట్రాటజీలోనే సమాధానమిస్తోంది. అందరూ ఆమె త్వరలో పెళ్లి చేసుకోబోతోంది కనుక, కొత్త చిత్రాలు ఒప్పుకోవడంలేదంటున్నారు. కానీ సమంత చెప్పే జవాబు వేరేగా వుంది. అదేంటంటే, మంచి కథలు రావడం లేదనీ, తనకు ఇస్తున్న పాత్రలు నచ్చడంలేదనీ, అందుకే కొత్తవి ఒప్పుకోవడం లేదని చెబుతోంది. డైరెక్ట్‌గా అది ఇది అని మాత్రం చెప్పడం లేదని ఇప్పటికైనా అర్థం అయిందా సమంత స్ట్రాటజీ!?