గరంగరంగా ప్రయోగం
S ,7 à 8 RSCA (si SASPAS) et 6 cialis pharmacie cialis rapports de stage.
‘ప్రేమకావాలి’ చిత్రంతో తెలుగు తెరకు పరిచయమై
ఆ తరువాత పలు చిత్రాలతో హీరోగా మంచి గుర్తింపు తెచ్చుకున్నాడు ఆది. సాయికుమార్ తనయుడిగా ఎంట్రీ ఇచ్చినా, హీరోగా మంచిపేరు తెచ్చుకున్నాడు. ప్రస్తుతం ‘గరం’ చిత్రంలో నటిస్తున్నాడు. మదన్ దర్శకత్వంలో
తెరకెక్కుతున్న ఈ చిత్రం త్వరలో విడుదలకు
సిద్ధవౌతోంది. ఈరోజు ఆది పుట్టినరోజు సందర్భంగా ఆయనతో మాటామంతీ...
ఆలస్యానికి అదే కారణం
‘గరం’ ఈ సినిమా ఆలస్యమవ్వడానికి వేరే కారణాలంటూ ఏమీ లేవు. కథను బాగా నమ్మాం కాబట్టి దాన్ని పర్‌ఫెక్ట్‌గా తెరకెక్కించాలనే విషయంలో ఆలస్యమైంది. దానికితోడు ప్రముఖ నటీనటులందరూ నటించడంతో డేట్ల సమస్యలవల్ల కూడా ఆలస్యమైంది. కానీ మొత్తానికి సినిమా బాగా వచ్చింది.
గరం గరంగా
ఈ చిత్రంలో నేను వరాలబాబు అనే పాత్ర చేస్తున్నాను. ఇది గోదావరి యాసలో వుంటుంది. ఇలాంటి ప్రయోగం చేయడం మొదటిసారి. ఇక హీరోగా కోపం వస్తే కొట్టాలి, ఏదైనా చేయాలనిపిస్తే చేసేయాలి అనే తరహాలో ఎనర్జీగా సాగే పాత్ర. పాత్రలో స్పార్క్‌నెస్ వుండడంవల్ల ఈ చిత్రానికి టైటిల్ అలా పెట్టాం.
యాక్షన్ సినిమా కాదు
‘గరం’ అనగానే ఇదేదో పక్కా యాక్షన్ సినిమా అనుకునేరు, కానే కాదు. మాస్ అంశాలతో వుండే మంచి ఫ్యామిలీ ఎంటర్‌టైనర్. హీరో తండ్రితో గొడవపడి బైటికొచ్చిన తరువాత ఏం జరిగింది అనే ఆసక్తికర అంశాలతో తెరకెక్కించిన చిత్రం ఇది. ముఖ్యంగా కథపై నాకు మంచి నమ్మకం వుంది.
మిగతా పాత్రల్లో
ఇందులో హీరోయిన్ ఆదాశర్మ నటిస్తోంది. తనది సిటీ అమ్మాయి పాత్ర. చాలా బాగా చేసింది. అలాగే, బ్రహ్మానందం పాత్ర కూడా అందరినీ ఆకట్టుకుంటుంది. ఇలాగే చాలామంది ప్రముఖ నటీనటులు ఉన్నారు.
సెన్సిబుల్ దర్శకుడు
మదన్ చాలా సెన్సిబుల్ దర్శకుడు. కథలో ఇలాంటి అంశాల్ని బాగా డీల్ చేశాడు. సినిమా చూసుకున్నపుడు చాలా ఆనందమేసింది. ఖచ్చితంగా మాకు మరో మంచి హిట్ సినిమా దక్కిందని భావిస్తున్నాం.
ప్రొడక్షన్‌లోకి
నిజానికి ఈ సినిమాకు రాజశేఖర్ అనే అతను నిర్మాతగా చేశాడు. కానీ కొన్ని కారణాలవల్ల ఆయన ఈ ప్రాజెక్టును వదిలేయడంతో నాన్న ఆ బాధ్యతల్ని తీసుకున్నాడు. దానికి కారణం కథను బాగా నమ్మడంతో ఈ సినిమాకు నిర్మాణంలో భాగస్వామ్యం అవ్వాల్సి వచ్చింది. ఇకపై కూడా ఈ బ్యానర్‌ను (శ్రీనివాసాయి ఫిలింస్) బ్యానర్‌ను కంటిన్యూ చేస్తాం. ఈ బ్యానర్‌లో మంచి సినిమాలు చేయాలని వుంది.
త్వరలోనే
‘గరం’ సినిమా త్వరలోనే విడుదల చేయడానికి సన్నాహాలు జరుగుతున్నాయి. ఇటీవలే సెన్సార్ వాళ్లు కూడా బావుందని మెచ్చుకున్నారు. ముఖ్యంగా మంచి రిలీజ్ డేట్ కోసం వెయిట్ చేస్తున్నా.
అదృష్ట లక్ష్మి
‘గరం’ సినిమా ప్రారంభం తరువాత పెళ్లైంది. ఇపుడు పాప పుట్టిన తరువాత సినిమా రిలీజ్ అవుతోంది. పెళ్ళైన తరువాత నా మొదటి సినిమా ఇది. పాప పుట్టడంతో ఇంట్లో అందరూ అదృష్ట లక్ష్మి పుట్టిందని అంటున్నారు.
తదుపరి చిత్రాలు
ప్రస్తుతం ‘చుట్టాలబ్బాయి’ సినిమా 40 శాతం షూటింగ్ పూర్తయింది. వీరభద్రం దర్శకత్వంలో తెరకెక్కుతున్న ఈ సినిమా మంచి ఎంటర్‌టైనర్‌గా వుంటుంది. అలాగే మరో రెండు కథలు చర్చల దశలో వున్నాయి.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..