ఉత్కంఠ రేపే దండుపాళ్యం-2

వెంకట్ మూవీస్ పతాకంపై శ్రీనివాసరాజు దర్శకత్వంలో ప్రముఖ నిర్మాత వెంకట్ నిర్మించిన ‘దండుపాళ్య’ కన్నడలో బిగ్గెస్ట్ బ్లాక్‌బస్టర్ మూవీగా 30 కోట్లు కలెక్ట్ చేసి సెనే్సషన్ క్రియేట్ చేసిన విషయం తెలిసిందే. ‘దండుపాళ్యం’ పేరుతో తెలుగులో విడుదలైన ఈ చిత్రం హిట్ అయి 10 కోట్లు కలెక్ట్ చేయడమే కాకుండా శతదినోత్సవం జరుపుకొని సంచలనం సృష్టించింది. తెలుగు, కన్నడ భాషల్లో ఇంతటి ఘనవిజయం సాధించిన ‘దండుపాళ్యం’ టీమ్‌తోనే ఈ చిత్రానికి సీక్వెల్‌గా ‘దండుపాళ్యం-2’ చిత్రాన్ని నిర్మాత వెంకట్ చాలా భారీ ఎత్తున నిర్మిస్తున్న విషయం తెలిసిందే. ప్యాచ్‌వర్క్ మినహా షూటింగ్ పూర్తిచేసుకున్న ఈ చిత్రాన్ని అన్ని కార్యక్రమాలు పూర్తిచేసి త్వరలో విడుదల చేయడానికి నిర్మాత వెంకట్ సన్నాహాలు చేస్తున్నారు. ఈ సందర్భంగా నిర్మాత వెంకట్ మాట్లాడుతూ- తెలుగు, కన్నడ భాషల్లో సెనే్సషన్ క్రియేట్ చేసిన దండుపాళ్యం చిత్రానికి సీక్వెల్‌గా మా బేనర్‌లో నిర్మిస్తున్న ‘దండుపాళ్యం-2’ చిత్రానికి సినిమా ప్రారంభం నుంచే చాలా మంచి క్రేజ్ వస్తోందన్నారు.. బెంగుళూరులో కోటి రూపాయల వ్యయంతో వేసిన జైలు సెట్‌లో తీసిన కీలక సన్నివేశాలు సినిమాకి చాలా పెద్ద హైలెట్‌గా నిలుస్తాయన్నారు. ప్యాచ్‌వర్క్ మినహా షూటింగ్ పూర్తయిందని, త్వరలో ఈ చిత్రాన్ని విడుదల చేస్తున్నామని అన్నారు. డెఫినెట్‌గా దండుపాళ్యంకంటే దండుపాళ్యం-2 పెద్ద సెనే్సషన్ క్రియేట్ చేస్తుంది అన్నారు.
దర్శకుడు శ్రీనివాసరాజు మాట్లాడుతూ- డిఫరెంట్ సినిమాలను అద్భుతంగా రిసీవ్ చసుకునే తెలుగు, కన్నడ ప్రేక్షకులకు దండుపాళ్యం-2 ఓ కొత్త ఎక్స్‌పీరియన్స్‌ని ఇస్తుందని అన్నారు. ఈ చిత్రంలో బొమ్మాళి రవిశంకర్, పూజాగాంధి, రఘు ముఖర్జీ, సంజన, భాగ్యశ్రీ, మకరంద్ దేశ్‌పాండే, రవికాలె, పెట్రోల్ ప్రసన్న, డానీ కుట్టప్ప, జయదేవ్, కరి సుబ్బు, కోటి తదితరులు నటిస్తున్నారు.