శ్రీవల్లీ విజయం

రజత్, నేహా జంటగా ప్రముఖ రచయిత విజయేంద్రప్రసాద్ దర్శకత్వంలో రేష్మాస్ ఆర్ట్స్ పతాకంపై రాజ్‌కుమార్, సునీత నిర్మించిన ‘శ్రీవల్లీ’ చిత్రం ఇటీవలే విడుదలై మంచి టాక్‌తో రన్ అవుతున్న సందర్భంగా బుధవారం హైదరాబాద్‌లో సక్సెస్ మీట్‌ను ఏర్పాటుచేశారు. ఈ కార్యక్రమంలో దర్శకుడు విజయేంద్రప్రసాద్ మాట్లాడుతూ- ఈ సినిమాను ప్రేక్షకులు ఆదరిస్తున్నందుకు ఆనందంగా వుంది. మా నిర్మాతలు అన్ని విధాలుగా ఈ సినిమాతో సక్సెస్ అయ్యారు. దీన్ని ఇంకా బాగా తీయాల్సి వుంది. కానీ తీయలేకపోయాను. అందుకు నిర్మాతలకు సారీ చెబుతున్నాను. హీరో హీరోయిన్లు చక్కగా నటించారు అన్నారు. నిర్మాతలు మాట్లాడుతూ- ఈ సినిమా మాలో నమ్మకాన్ని పెంచింది. ఇంత మంచి విజయాన్ని అందించిన ప్రేక్షకులకు ధన్యవాదాలు. నా తదుపరి చిత్రం సుకుమార్ బ్యానర్‌లో చేస్తున్నాం అన్నారు.