‘ఖుషీ’గా ఉంది

బాలీవుడ్ గ్లామర్ భామ పరిణితీ చోప్రా ప్రస్తుతం భలే ఖుషీ మీదుంది. దానికి కారణం ఆమె తాజాగా నటించిన ‘గోల్‌మాల్ ఎగైన్’ చిత్రం మంచి విజయం సాధించడంతోపాటు, అందులో తన పాత్రకు కూడా మంచి గుర్తింపు దక్కింది. దీంతో ఈ ఆనందాన్ని సోషల్ మీడియాలో అభిమానులతో పంచుకుంది. ఈ విజయంతో చాలా ఆనందం కలుగుతోంది. అందరూ ఖుషీ పాత్ర గురించే మాట్లాడుకుంటున్నారంటూ తెగ మురిసిపోతోంది. నిజానికి పరిణితికి చాలా అవకాశాలు వస్తున్నా కూడా సెలక్టివ్‌గా సినిమాలు చేస్తోంది. ఇప్పటికే హీరోయిన్‌గా ఓ రేంజ్ క్రేజ్ తెచ్చుకోవాల్సిన ఈ భామ కావాలనే ఇలా కెరీర్‌ను పాడుచేసుకుంటోందని సోషల్ మీడియాలో చర్చలు జరుగుతున్నాయి. వస్తున్న మంచి అవకాశాలను అందిపుచ్చుకుని క్రేజీ హీరోయిన్‌గా దూసుకుపోవాలని సలహాలు ఇస్తున్నారు అభిమానులు. అందుకే ఆమె కూడా ఇకపై వరసగా సినిమాలు చేసేందుకు సిద్ధమవుతున్నానని చెబుతోంది.