సస్పెన్స్ థ్రిల్లర్‌తో రచయిత
S ,7 à 8 RSCA (si SASPAS) et 6 cialis pharmacie cialis rapports de stage.
దుహర మూవీస్ సమర్పించు చిత్రం ‘రచయిత’. ఈ చిత్రం ఆడియో విడుదల హైదరాబాద్ మణికొండలో పాటల రచయిత చంద్రబోస్ నివాసంలో నటుడు జగపతిబాబు సమక్షంలో ఆడియో విడుదల జరిగింది. అనంతరం జగపతిబాబు మాట్లాడుతూ- నాకు రచయితలంటే చాలా గౌరవం. ‘రచయిత’ అనే సినిమా సస్పెన్స్ థ్రిల్లర్‌తో తెరకెక్కనుంది. ఈ సినిమా కానె్సప్ట్ నాకు విపరీతంగా నచ్చడంతో మొదట నేనే నటించాలనుకున్నా. కానీ నా డేట్స్ కుదరకపోవడంతో చేయలేదు. ఈ చిత్ర దర్శకుడు నా మిత్రుడు. తను మంచి సినిమా తీసాడన్న ఉద్దేశ్యంతోనే చిన్న సినిమా బ్రతకాలనే తపనతోనే నా ఫేస్‌బుక్ ద్వారా ఈ పాటలను విడుదల చేయడం జరుగుతోంది. అంతేకాదు ఈ సినిమా కోసం నేను వైజాగ్, విజయవాడ, హైదరాబాద్‌లలో పాదయాత్ర చేయాలని నిర్ణయించుకున్నాను.
అన్ని సినిమాలకు ఆడియో వేడుక సాధారణంగా జరుగుతుంది కానీ ఈ చిత్ర టైటిల్ ‘రచయిత’ కనుక ఈ చిత్రానికి పాటలు రచించిన చంద్రబోస్ ఏ సీట్‌లో అయితే ఈ సినిమా పాటలు పుట్టించాడో అదే సీట్‌లో విడుదల చేయాలని నిర్ణయించుకొని చంద్రబోస్ నివాసంలో ఈ కార్యక్రమం నిర్వహించడం జరిగిందని తెలిపారు. రచయిత సినిమాకు ప్రీ రిలీజ్ వేడుక చేయకుండా డైరెక్టుగా పబ్లిక్‌కు చేరేలా డిసెంబర్ 8న ఒక థియేటర్‌లో సినిమా ప్రదర్శింపచేసి నేనే స్వయంగా థియేటర్ బయట మైక్ పట్టుకొని నిల్చుని ప్రేక్షకుల రివ్యూ తెలుసుకోబోతున్నా. ఇదంతా నా మిత్రుడు సాగర్ చేసిన మంచి ప్రయత్నం కోసమే అన్నారు. ఇప్పుడు విడుదలైన మూడు పాటల్లో నాకు ‘ఏ ఎదలో ఏముంటుందో’ అనే పాట బాగా నచ్చింది అన్నారు. చంద్రబోస్ మాట్లాడుతూ- చిన్న సినిమాను బ్రతికించాలనే తపనతోనే హీరో, నటుడు జగపతిబాబు తన సహాయ సహకారాలు అందజేస్తున్నారన్నారు. ఈ చిత్రంలో మూడు పాటలున్నాయి. మూడు కూడా సందర్భానుసారంగా ఉంటాయి అన్నారు. ఈ గీతాలకు సంగీతం అందించింది శ్యామ్ మలయాళ సంగీత దర్శకుడు అన్నారు.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..