గ్లామర్ అంటే ఎక్స్‌పోజింగ్ కాదు...
S ,7 à 8 RSCA (si SASPAS) et 6 cialis pharmacie cialis rapports de stage.
కమెడియన్ నుండి హీరోగా మారిన సునీల్, అందాల భామలు నిక్కీగల్రాని, డింపుల్ చొపాడే ప్రధాన పాత్రల్లో వాసువర్మ దర్శకత్వంలో దిల్‌రాజు నిర్మిస్తున్న చిత్రం ‘కృష్ణాష్టమి’. అన్ని కార్యక్రమాలు పూర్తిచేసుకొని ఈనెల 19న ఈ చిత్రం విడుదలవుతున్న సందర్భంగా హీరోయిన్ నిక్కీగల్రాని చెప్పిన విశేషాలు.
మీ నేపథ్యం..
నిజానికి నేను హీరోయిన్ కావడం ఇంట్లోవారికీ అస్సలు ఇష్టం లేదు. కాని నా తపన చూసి కాదనలేదు. ఇంట్లోవారికి నేను డాక్టర్ అవ్వాలని కల. అలాగే సైన్స్‌లో జాయిన్ అయ్యి మధ్యలోనే వదిలేసి, ఫ్యాషన్ డిజైనింగ్ పూర్తిచేశాను. కాలేజీ టైంలోనే సినిమాల్లో నటించమని చాలా ఆఫర్స్ వచ్చాయి. కాని ఎందుకో ఒప్పుకోలేదు. కోర్సు కంప్లీట్ చేసి మోడలింగ్ చేయడం మొదలుపెట్టాను. 10 నెలల్లో 45 యాడ్స్‌లో నటించాను. 1983 అనే మలయాళం సినిమా ద్వారా సినిమాల్లోకి అడుగుపెట్టాను. కృష్ణాష్టమి సినిమాతో తెలుగు తెరకు పరిచయం అవుతున్నందుకు ఆనందంగా ఉంది.
ఈ సినిమాలో అవకాశం ఎలా వచ్చింది?
కేరళలో ఓ సినిమా షూటింగ్ చేస్తోన్న సమయంలో దిల్‌రాజుగారి ఆఫీస్ నుండి ఫోన్ వచ్చింది. వాళ్ళు చెప్పిన డేట్స్‌కి నేను వేరే మలయాళం సినిమా కమిట్ అయ్యాను. అక్కడ ఒక సినిమా చేస్తున్నప్పుడు మరో సినిమా చేయకూడదు. అందుకే ఈ సినిమా వదిలేయాలి అనుకున్నాను. కాని రెండు మూడురోజుల తరువాత దిల్‌రాజుగారు ఫోన్ చేసి సినిమా మొదలుకావడానికి నెల టైం ఉంది పరవాలేదని చెప్పారు. అలా ఈ చాన్స్ వచ్చింది.
మీ పాత్ర గురించి?
ఎన్నారై అమ్మాయి పాత్రలో కనిపిస్తాను. నా క్యారెక్టర్ పేరు పల్లవి. బేసిక్‌గా తను మంచి రైటర్. ‘పల్లవిజం’ అనే ఓ బుక్ రాస్తుంటుంది. క్యూట్‌గా ఇన్నోసెంట్‌గా ఉండే తను ‘పల్లవిజం’లో రాసే లాజిక్స్‌కు ఇంటెన్స్ మీనింగ్ ఉంటుంది. ప్రతి సమస్యకు ఓ పరిష్కారం ఉంటుందని ఆలోచించే వ్యక్తి. ఏ సమస్యనైనా పాజిటివ్‌గా తీసుకొని సాల్వ్ చేసుకుంటుంది.
సునీల్‌తో పని చేయడం ఎలా ఉంది?
సునీల్‌గారితో వర్క్‌చేయడం చాలా బాగా అనిపించింది. స్వీట్ అండ్ హంబుల్ పెర్సన్. ఆయన దగ్గరనుండి చాలా నేర్చుకున్నాను. వర్క్ పట్ల డెడికేషన్ ఉన్న మనిషి. సినిమాలో హీరో పేరు కృష్ణవరప్రసాద్. తను పుట్టింది కృష్ణాష్టమి రోజు. కృష్ణాష్టమి రోజునే తన లైఫ్‌లో పెద్ద ఇన్సిడెంట్ జరుగుతుంది. ఆ ఘటనతో తన జీవితంలో కొన్ని మార్పులు చోటు చేసుకుంటాయి. అవి ఏమిటి అనేది సినిమాలో చూడాలి.
తెలుగు పరిశ్రమ ఎలా ఉంది?
నేను మలయాళం, తమిళం, కన్నడ సినిమాల్లో నటించాను. భాషనుబట్టి సినిమాను క్యాటరైజ్ చేయలేను. ఏదైనా సినిమానే. ప్రొఫెషన్ ఒక్కటే. కాని మలయాళం సినిమాలు జీవితానికి దగ్గరగాఉంటాయి. తమిళంలో రియాల్టీకి దగ్గరగా ఉంటూ కమర్షియల్ ఎలిమెంట్స్ యాడ్‌చేస్తారు. తెలుగు సినిమాల్లోమాత్రం కమర్షియాలిటీ ఎక్కువ ఉంటుంది. నిజంగా ఇక్కడ పనిచేయడం చాలా హ్యాపీగా ఫీల్ అవుతున్నాను.
గ్లామర్ పాత్రల్లో నటించేందుకు సిద్ధమేనా?
నేను నటించే సినిమాలు కుటుంబమంతా కలిసి చూడాలి. అలా ఉండే పాత్రలే ఎన్నుకుంటాను. నా దృష్టిలో గ్లామర్ అంటే స్కిన్‌షో కాదు. అమ్మాయిని చీరలో కూడా గ్లామర్‌గా చూపించొచ్చు. ఈ సినిమాలో నేను స్కర్ట్స్, జీన్స్ వేసుకున్నాను. క్యూట్‌గా కనిపిస్తాను కాని ఎక్కడా వల్గారిటీ ఉండదు. టిపికల్ హీరోయిన్‌గా ఉండడం నచ్చదు. పాటలకు, కొన్ని సీన్లకు మాత్రమే హీరోయిన్‌గా నటించడం నాకు నచ్చదు. నా పాత్రకు వెయిట్ ఉండాలి. పెర్ఫార్మన్స్‌కు స్కోప్ ఉండాలి. అందుకే నా పాత్రలో ఎంపికలో చాలాజాగ్రత్తలు తీసుకుంటాను.
మీ సిస్టర్ సంజన గురించి?
సినిమా కథలు నేనే వింటాను. నాకు నచ్చిన తరువాత ఫ్యామిలీతో డిస్కస్ చేస్తాను. నాకు ఏవైనా డౌట్స్ ఉంటే అక్కను (సంజన) అడిగి క్లారిఫై చేసుకుంటాను. నాకు అక్క అంటే అమ్మలాగా. తనతో మంచి బాండింగ్ ఉంటుంది.
నెక్స్ట్ ప్రాజెక్ట్స్...
తమిళంలో మూడు సినిమాల్లో నటిస్తున్నాను. తెలుగులో కూడా ఆఫర్స్ వస్తున్నాయి. ‘కృష్ణాష్టమి’ రిలీజ్ అయిన తరువాత ఫైనల్ చేస్తాను.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..