‘హలో’తో కొత్త ఉత్సాహం
S ,7 à 8 RSCA (si SASPAS) et 6 cialis pharmacie cialis rapports de stage.
అక్కినేని వారసుడిగా ఎంట్రీ ఇచ్చిన అఖిల్‌కు మొదటి సినిమా ‘అఖిల్’ పరాజయాన్ని అందించినా రెట్టించిన ఉత్సాహంతో కొంత గ్యాప్ తీసుకుని ‘హలో!’ అంటూ పలకరించాడు. ‘మనం’ ఫేం విక్రమ్ కె. కుమార్ దర్శకత్వంలో రూపుదిద్దుకున్న ఈ చిత్రం ఇటీవలే విడుదలై బాక్సాఫీస్ వద్ద మంచి వసూళ్లు సాధిస్తూ విజయపథం వైపు దూసుకెళుతోంది. ఈ సందర్భంగా అఖిల్‌తో ఇంటర్వ్యూ..
‘హలో’ విజయం..
ఈ సినిమాకు వస్తున్న రెస్పాన్స్ చూసి చాలా ఆనందంగా వుంది. అందరూ నటుడిగా ఇంప్రూవ్ అయ్యారని అంటున్నారు. సినిమా విడుదలకు ముందు చాలా టెన్షన్ పడ్డాను. సరిగా నిద్ర కూడా పోలేదు. అయితే విడుదల రోజు అమెరికా నుండి సినిమా బాగుందంటూ కాల్ రావడంతో చాలా ఆనందం వేసింది. ఆ రోజు చాలా ప్రశాంతంగా నిద్రపోయాను. ఈ సినిమా నాకు ఉద్వేగభరిత ప్రయాణం అని చెప్పాలి. ఈ చిత్రం క్లైమాక్స్‌లో నేను తన గుండెను దొంగిలించానని ఓ అమ్మాయి ట్విట్టర్‌లో రాసింది. నాకొచ్చిన బెస్ట్ కాంప్లిమెంట్ అదే! అలాగే నాన్న, అమ్మ, చైతన్య, ముఖ్యంగా చిరంజీవి గారు ఇచ్చిన సపోర్టు మరువలేను.
మొదటి సినిమా
హీరోగా నేను పరిచయం అయిన మొదటి సినిమా భారీ అంచనాల మధ్య వచ్చింది. కానీ అది అనుకున్న స్థాయిలో విజయం అందుకోలేదు. దానికి చాలా కారణాలున్నాయి. ఆ సినిమా తరువాత బాగా టెన్షన్ పడ్డాను. వ్యక్తిగత సంక్షోభం వల్ల మళ్లీ మామూలు స్థితికి రావడానికి కొంత సమయం పట్టింది. తరువాతి సినిమా విషయంలో చాలా కథలు విన్నా. ‘మనం’ సమయంలోనే విక్రంతో ఈ సినిమాకు నాన్న ప్లాన్ చేశారు. కానీ విక్రం ‘24’చిత్రంతో బిజీగా వుండడంతో అప్పుడు కుదరలేదు.
ప్రాక్టీస్ చేశా
ఈ చిత్రంలో కొన్ని స్టైలిష్ యాక్షన్ సీక్వెన్సులు ఉన్నాయి. వాటికోసం రెండు నెలలు ట్రైనింగ్ తీసుకున్నా. బాబ్‌బ్రౌన్ నేతృత్వం లో వున్న టీమ్‌తో దాదాపు మూడు నెలలు ట్రావెల్ చేశా. అందుకే ఆ యాక్షన్ సీక్వెన్స్ బాగా వచ్చాయి. ఈ చిత్రంలో ఓ పాట కూడా పాడా. అందుకు కారణం సంగీత దర్శకుడు అనూప్. తను కూడా పాట విషయంలో ట్రైనింగ్ ఇచ్చాడు. నిజానికి నేను పాడతానని అనుకోలేదు. అనూప్ ప్రోత్సాహంవల్లే అది కుదిరింది.
నాన్న కేర్ ఎక్కువ..
ఈ సినిమా విషయంలో నాన్న కేర్ ఎక్కువ. స్క్రిప్ట్ నుండి పోస్ట్ ప్రొడక్షన్ దశ వరకు ప్రతి విభాగంలోనూ ఆయనే దగ్గరుండి చూసుకున్నారు. నా మొదటి సినిమాలా భావించి అంత జాగ్రత్తలు తీసుకున్నారు కాబట్టే ఈ విజయం అందింది. ఇక ‘అఖిల్’ సినిమా విషయంలో ఫ్లాప్ అవ్వడానికి కారణం నేనే అని చెబుతా. వినాయక్‌తో కలిసి ఈ కథను నమ్మాం. కానీ అనుకోకుండా పరిస్థితి వేరేలా మారింది.
తదుపరి చిత్రాలు
తరువాతి చిత్రం కోసం ఎక్కువ సమయం తీసుకోను. ప్రస్తుతం బాలీవుడ్‌లోకి ఎంట్రీ ఇస్తారా? అని అడుగుతున్నారు. తెలుగులో ఐదారు హిట్స్ ఇవ్వాలి. ఆ తరువాతే హిందీ సినిమా. నేను హిందీ సినిమాలు చూస్తా. నా అభిమాన దర్శకుడు అయాన్ ముఖర్జీ. హి జవానీ హాయ్ దివాని లాంటి చిత్రాలు చేయాలని వుంది. అయితే రెండు భాషల్లో కలిపి ఓ సినిమా చేస్తా తప్ప, పూర్తి హిందీ సినిమా చేయను. మొదటి ప్రాధాన్యత తెలుగు సినిమాలకే!
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..