అంతర్జాతీయం
భారతీయులంటే ట్రంప్‌కు గౌరవం
S ,7 à 8 RSCA (si SASPAS) et 6 cialis pharmacie cialis rapports de stage.
యాష్‌బర్న్, అక్టోబర్ 26: అమెరికా అధ్యక్ష రేసులో ఉన్న రిపబ్లికన్ పార్టీ అభ్యర్థి డొనాల్డ్ ట్రంప్ ఎన్నికలు సమీపిస్తుండటంతో భారతీయ అమెరికన్లను ఆకట్టుకునే ప్రయత్నాలను ముమ్మరం చేశారు. అధ్యక్ష ఎన్నికల ప్రచారం పుణ్యమా అని అమెరికాలో దీపావళి పండుగ ముందుగానే వచ్చేసింది. భారతీయ సంతతి అధికంగా నివసించే వర్జీనియాలోని ఓ హిందూ ఆలయంలో జరిగిన దీపావళి వేడుకకు డొనాల్డ్ ట్రంప్ కోడలు లారా ట్రంప్ హాజరయ్యారు. భారతీయ సంస్కృతిని, భారతీయులను డొనాల్డ్ ట్రంప్ అమితమైన ప్రేమిస్తారని, ఆయన అధ్యక్షుడైతే ఇరుదేశాల మధ్య సంబంధాలు మరింతగా పెరుగుతాయని లారా ట్రంప్ ఈ సందర్భంగా వ్యాఖ్యానించారు. వర్జీనియాలోని రాజధాని టెంపుల్‌కు విచ్చేసిన లారాట్రంప్ తన బూట్లు ఆలయం బయటే విప్పి భారతీయ సంస్కృతిపై తనకున్న గౌరవాన్ని చాటారు. హిందూ సంస్కృతిని తాను గౌరవిస్తానని కూడా ఆమె పేర్కొన్నారు. దీపావళి వేడుకలకు లారా ట్రంప్ హాజరుకావడంలో భారతీయ అమెరికన్ రాజేష్ గూటి కీలకపాత్ర పోషించారు. లారా రాకతో వర్జీనియాలోని ఫెయిర్‌ఫాక్స్, లౌడోన్ కౌంటీల్లో దీపావళి ముందుగానే వచ్చినట్లయిందని ఆయన వ్యాఖ్యానించారు. ఈ వేడుకలకు ట్రంప్ కుమార్తె ఇవాంకా హాజరుకావాల్సి ఉన్నా వేరే ప్రాంతంలో ప్రచారంలో ఉండటంతో రాలేకపోయారు. కాగా, అధ్యక్ష బరిలో ఉన్న అభ్యర్థుల కుటుంబ సభ్యులు ఓ హిందూ ఆలయాన్ని సందర్శించడం ఇదే తొలిసారి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.