అంతర్జాతీయం
‘ముస్లింలపై నిషేధం’ ప్రకటన అదృశ్యం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, నవంబర్ 11: అమెరికాలోకి ముస్లింలు ప్రవేశించకుండా నిషేధిస్తాననేది అమెరికా అధ్యక్ష ఎన్నికల ప్రచారంలో డొనాల్డ్ ట్రంప్ ఇచ్చిన ప్రధాన వాగ్దానాలలో ఒకటి. అయితే అతను అధ్యక్షుడిగా ఎన్నికయిన మరుసటి రోజు గురువారం అతని ప్రచార వెబ్‌సైట్‌లో ఈ వాగ్దానం కనిపించకుండా పోయింది. దీని గురించి కొంతమంది జర్నలిస్టులు అడగ్గా, సాంకేతిక సమస్య వల్ల వెబ్‌సైట్‌లో అది కనిపించకుండా పోయిందని ట్రంప్ ప్రచార సిబ్బంది బదులిచ్చారు. కాలిఫోర్నియాలోని శాన్ బెర్నార్డినోలో డిసెంబర్‌లో ఉగ్రవాద దాడులు జరిగిన తరువాత ట్రంప్ చేసిన ఈ వాగ్దానాన్ని అప్పట్లో వెబ్‌సైట్‌లో పెట్టారు. అయితే గురువారం జర్నలిస్టులు అదృశ్యమైన ఆ వాగ్దానం గురించి అడిగిన తరువాత, అది తిరిగి వెబ్‌సైట్‌లో కనిపించింది. ‘వెబ్‌సైట్ తాత్కాలికంగా అన్ని నిర్దిష్టమైన ప్రెస్ రిలీజ్‌లను తిరిగి హోంపేజీలోకి రీడైరెక్ట్ చేస్తోంది. ప్రస్తుతం ఈ సమస్యను పరిష్కరిస్తున్నాం. త్వరలోనే సమస్య పరిష్కారం అవుతుంది’ అని ట్రంప్ ప్రచార సిబ్బంది ఒక ప్రకటనలో వివరించారు. అయితే అప్పట్లో ట్రంప్ ఉగ్రవాదంతో రాజీపడుతున్న దేశాల నుంచి ముస్లింలు అమెరికాలోకి ప్రవేశించడాన్ని నిషేధిస్తానని తరువాత తన వాగ్దానాన్ని కొంత సవరించుకున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.