అంతర్జాతీయం
అంతా పాక్ వల్లే
S ,7 à 8 RSCA (si SASPAS) et 6 cialis pharmacie cialis rapports de stage.
ఢాకా, సెప్టెంబర్ 28: ఇస్లామాబాద్‌లో జరగాల్సిన ఎనిమిది దేశాల సార్క్ సదస్సు నిర్వహణ దాదాపు అనుమానంలో పడింది. సదస్సులో భాగస్వామ్యం కావటం లేదంటూ భారత్ ప్రకటించిన కొద్ది గంటల్లోపే పాకిస్తాన్ మినహా మిగతా ఆరు దేశాలూ స్పందించాయి. బంగ్లాదేశ్, భూటాన్‌లతోసహా అన్ని సభ్య దేశాలూ పాకిస్తాన్ వైఖరినే తప్పుపట్టాయి. తాము సదస్సును బహిష్కరించటానికి పాకిస్తానే కారణమని బంగ్లాదేశ్ ప్రభుత్వం స్పష్టం చేసింది. ‘‘సార్క్ దేశాల సదస్సులో పాలు పంచుకోరాదని బంగ్లాదేశ్ నిర్ణయించటానికి ఒక సార్క్ సభ్యదేశం పదే పదే మా అంతర్గత వ్యవహారాల్లో జోక్యం చేసుకోవటమే కారణం’’ అని బంగ్లాదేశ్ విదేశాంగ మంత్రి షాహ్రియార్ ఆలమ్ పరోక్షంగా పాకిస్తాన్‌ను తప్పు పట్టారు. సానుకూల వాతావరణం ఏర్పడితే అప్పుడు సార్క్ సదస్సులో పాల్గొంటామంటూ సదస్సుకు నేతృత్వం వహిస్తున్న నేపాల్‌కు లేఖ రాసినట్లు పేర్కొన్నారు. అయితే సార్క్ సభ్య దేశంగా బంగ్లాదేశ్ దాని స్ఫూర్తికి, ప్రాంతీయ సహకారానికి కట్టుబడి ఉందని స్పష్టం చేశారు. గత కొద్ది నెలలుగా 1971నాటి బంగ్లాదేశ్ యుద్ధ నేరస్థులు పాకిస్తాన్ సైన్యం అండతో అరాచకాలు సృష్టిస్తున్నారని ఆయన అన్నారు. తాము తమ దేశ స్వాతంత్య్రం, సార్వభౌమాధికారాల విషయంలో ఎలాంటి రాజీపడే ప్రశే్నలేదని స్పష్టం చేశారు. ఇది పూర్తిగా తమ సొంత నిర్ణయమని ఆయన అన్నారు. ఆఫ్ఘనిస్తాన్ అధ్యక్షుడు మహమ్మద్ అష్రాఫ్ ఘనీ కూడా ఇదే అభిప్రాయాన్ని వ్యక్తం చేస్తూ సార్క్‌కు నేతృత్వం వహిస్తున్న నేపాల్‌కు లేఖ రాశారు. ఆఫ్ఘనిస్తాన్‌పై ఉగ్రవాద దాడులు రోజురోజుకూ పెరుగుతున్న కారణంగా కమాండర్ ఇన్ చీఫ్‌గా బాధ్యతల ఒత్తిడి ఉండటంతో సార్క్ సదస్సుకు హాజరు కావటం లేదని స్పష్టం చేశారు. భూటాన్ రాచరిక ప్రభుత్వం సైతం ఈ ప్రాంతంలో శాంతిసామరస్యాలకు ఉగ్రవాదం విఘాతం కలిగిస్తున్న ప్రస్తుత పరిస్థితుల్లో సార్క్ సదస్సుకు హాజరు కాలేనని స్పష్టం చేసింది. సార్క్ చార్టర్ ప్రకారం ఎనిమిది సభ్యదేశాల్లో ఒక్కదేశం హాజరుకాకపోయినా సదస్సు నిర్వహించటం కుదరదు. భారత్‌తోపాటు మరో మూడు సభ్యదేశాలు కూడా తిరస్కరించటంతో సదస్సు రద్దు అనివార్యమైపోయింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.