అంతర్జాతీయం
నువ్వే పిచ్చోడివి!
S ,7 à 8 RSCA (si SASPAS) et 6 cialis pharmacie cialis rapports de stage.
సియోల్, సెప్టెంబర్ 22: ‘అమెరికా అధ్యక్షుడు డొనాల్డ్ ట్రంప్ మానసిక పరిస్థితి బాగోలేదు. మా దేశాన్ని నాశనం చేస్తానంటున్న ఆయన హెచ్చరికలకు బెదిరేవాళ్లు ఎవ్వరూ లేరు. అలాంటి ఆలోచనలకు తగిన మూల్యం చెల్లించుకోక తప్పదు’ అంటూ ఉత్తర కొరియా అధ్యక్షుడు కిమ్ జోంగ్-ఉన్ శుక్రవారం క్షిపణుల్లాంటి మాటలు వదిలారు. ఉత్తర కొరియా అణు పరీక్షలు, క్షిపణి ప్రయోగాలపై అటు అమెరికా, ఇటు యుఎన్ ఏకబిగిన చేస్తున్న హెచ్చరికలను లెక్కచేయకుండా ఘాటైన సమాధానమిస్తున్న కిమ్, శుక్రవారం మరింత రెచ్చగొట్టే వ్యాఖ్యలకు దిగారు. గతంలోనే ‘ట్రంప్ ఓ పిచ్చోడు’ అంటూ వ్యాఖ్యానించిన కిమ్, ట్రంప్ మానసిక స్థితిపై మరోసారి చేసిన వ్యాఖ్యలు మరింత రెచ్చగొట్టేవిగానే ఉన్నాయి. ఫసిఫిక్ మహా సముద్రంపై హైడ్రోజన్ బాంబు వేసే ప్రమాదం లేకపోలేదంటూ ఉత్తర కొరియా విదేశాంగ మంత్రి హెచ్చరికలు చేసి 24 గంటలు తిరగకముందే, ఆ దేశ అధ్యక్షుడు కిమ్ మరింత దూకుడుతో ట్రంప్‌పై వ్యాఖ్యలు చేయడం యుద్ధం తప్పదన్న పరిస్థితిని సూచిస్తోంది. ఇదిలావుంటే, ఐక్యరాజ్య సమితి సాధారణ సమావేశంలో ‘రాకెట్ మ్యాన్ కారణంగా ఉత్తర కొరియాకు వినాశనం తప్పదంటూ’ ట్రంప్ చేసిన వ్యాఖ్యలకు కిమ్ ఇచ్చిన సమాధానంగానూ దీన్ని పరిగణిస్తున్నారు. ‘ప్రపంచ దేశాల ముందు నన్ను, నా దేశాన్ని ట్రంప్ అవమానించారు. చరిత్రలో యుద్ధోన్మాద దేశంగా ఉత్తర కొరియాను చిత్రీకరించే కుట్రలు చేస్తున్నారు’ అంటూ కిమ్ వ్యాఖ్యానించినట్టు ఉత్తర కొరియా అధికారిక మీడియా స్పష్టం చేసింది. ‘ప్రపంచానికి పెద్దన్న ధోరణిలో అమెరికా చేసే పెత్తనానికి బెదిరేవాళ్లెవ్వరూ లేరు. ఆయన హెచ్చరికలకు గట్టిగా బదులిస్తాం’ అని కిమ్ వ్యాఖ్యానించినట్టు అధికారిక మీడియా పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.