అంతర్జాతీయం
జాదవ్ కేసులో ఐసిజెకు పాక్!
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, అక్టోబర్ 7: భారత నౌకాదళ మాజీ ఉద్యోగి కుల్‌భూషణ్ జాదవ్ కేసులో అంతర్జాతీయ న్యాయస్థానం (ఐసిజె)లో పిటిషన్ దాఖలు చేయడానికి పాకిస్తాన్ ప్రయత్నాలు ప్రారంభించింది. గూఢచర్యం నేరంపై 46 ఏళ్ల జాదవ్‌కు పాకిస్తాన్ సైనిక కోర్టు మరణశిక్ష విధించిన సంగతి తెలిసిందే. 2016 మార్చిలో బలోచిస్తాన్‌లో జాదవ్‌ను పాకిస్తాన్ భద్రతాదళాలు పట్టుకున్నాయి. గూఢచర్యం, ప్రభుత్వాన్ని కూలదోయడానికి అతడు ప్రయత్నించాడన్నది పాకిస్తాన్ అభియోగం. రెండు పాస్‌పోర్టులు సంపాదించిన కుల్‌భూషణ్ కుట్రపూరితంగా వ్యవహరించాడని పాకిస్తాన్ సైనిక కోర్టు నిర్ధారించి మరణశిక్ష విధించింది. అయితే దీనిపై భారత్ అంతర్జాతీయ న్యాయస్థానాన్ని ఆశ్రయించి విజయం సాధించింది. జాదవ్ ఉరి అమలుకాకుండా ఐసిజె తాత్కాలిక ఉత్తర్వులు ఇచ్చింది. జాదవ్‌పై నేరారోపణలకు సంబంధించి లిఖితపూర్వకంగా సమాధానం ఇవ్వాలని అంతర్జాతీయ న్యాయస్థానం పాకిస్తాన్‌ను ఆదేశించింది. ఈ నేపథ్యంలో అటార్నీ జనరల్ అష్తర్ అసాఫ్ అలీ అధ్యక్షతన ఓ సమావేశం జరిగిందని విదేశాంగ శాఖ వెల్లడించింది. న్యాయనిపుణులు, విదేశాంగ శాఖ ఉన్నతాధికారులు సమావేశానికి హాజరై ఐసిజెలో అనుసరించాల్సిన వ్యూహంపై చర్చించారు. భారత్ ఆరోపణలను న్యాయపరంగానే తిప్పికొట్టాలని, దీనిపై ఎప్పటికప్పుడు సమీక్షిస్తూ ఉండాలని సమావేశంలో నిర్ణయించినట్టు అటార్నీ జనరల్ అలీ ‘డాన్’కు వివరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.