అంతర్జాతీయం
పాక్‌లో 145 మంది భారత జాలర్లకు విముక్తి
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, డిసెంబర్ 28: తమ ప్రాదేశిక జలాల్లో చేపల వేట చేస్తున్నారన్న అభియోగంపై పాకిస్తాన్ నిర్బంధించిన భారత జాలర్లలో 145 మందికి విముక్తి లభించింది. పాక్, భారత్‌ల మధ్య మాటల యుద్ధం కొనసాగుతున్నప్పటికీ భారత జాలర్లను దాయాది దేశం విడిచిపెట్టడం గమనార్హం. ఇస్లామాబాద్ జైలులో ఉన్న భారత నావికాదళం మాజీ అధికారి కులభూషణ్ జాదవ్‌ను అతని కుటుంబ సభ్యులు కలిసిన సందర్భంగా ఇరు దేశాల మధ్య మాటల యుద్ధం కొనసాగిన సంగతి తెలిసిందే. అయినప్పటికీ గత వారం చేసిన ప్రకటనను పురస్కరించుకుని భారత జాలర్లను విడిచిపెట్టినట్లు పాక్ విదేశాంగ కార్యాలయం అధికార ప్రతినిధి మహమ్మద్ ఫైజల్ తెలిపారు. పాక్ నిర్బంధంలో ఉన్న 291 మంది భారత జాలర్లను రెండు విడతల్లో జనవరి 8లోగా విడుదల చేస్తారు. మలిర్ జైలు నుంచి కట్టుదిట్టమైన భద్రతతో 145 మంది భారత జాలర్లను గురువారం నాడు కరాచీ కంటోనె్మంటు రైల్వే స్టేషన్‌కు తీసుకువచ్చారు. అక్కడి నుంచి వారిని లాహోర్‌కు తీసుకెళతారని ఓ పోలీసు అధికారి తెలిపారు. మిగతా 146 మంది జాలర్లను వచ్చే నెలలో భారత్‌కు పంపిస్తారు. విడుదలైన జాలర్లకు ఈదీ ఫౌండేషన్ ప్రతినిధులు బహుమతులను, కొంత నగదును అందజేశారు. అరేబియన్ సముద్రంలో స్పష్టమైన సరిహద్దులు లేనందున భారత్, పాక్ తమ తమ ప్రాదేశిక జలాల్లో ప్రవేశించే జాలర్లను నిర్బంధిస్తున్నాయి. అయిదువారాల క్రితం పాక్ సముద్ర గస్తీ సైనికులు 168 మంది భారత జాలర్లను అరెస్టు చేశాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.