అంతర్జాతీయం
క్షిపణి ప్రయోగాలకు కిమ్ స్వస్తి చెప్పాల్సిందే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 8: చర్చల ప్రక్రియ ప్రారంభించాలంటే ఉత్తర కొరియా క్షిపణలు, అణ్వస్త్రాల ప్రయోగాలకు స్వస్తి పలకాలని ఐక్యరాజ్యసమితిలోని ఇండో-అమెరికన్ రాయబారి నిక్కీ హేలీ తేల్చిచెప్పారు. ఉత్తర కొరియా అధ్యక్షుడు కిమ్ జోంగ్ ఉన్‌తో ఫోన్‌లో మాట్లాడతానని అమెరికా అధ్యక్షుడు డొనాల్డ్ ట్రంప్ చేసిన ప్రకటనకు స్పందిస్తూ, అణుయుద్ధం వస్తే ప్రపంచం ఏమవుతుందో అన్న విషయాన్ని కిమ్ తెలుసుకోవడం లేదన్నారు. అమెరికాలోని ఏ ప్రాంతంపైనైనా దాడి చేసేందుకు అణ్వస్త్రాలను ప్రయోగించేలా తన టేబుల్‌పై ‘బటన్’ ఉందని కిమ్ చేసిన హెచ్చరికకు దీటుగా- ‘అంతకన్నా పెద్ద బటన్ తన గదిలో ఉంద’ని ట్రంప్ పేర్కొనడాన్ని నిక్కీ సమర్థించారు. ఉద్రిక్తతలను రెచ్చగొట్టేలా కిమ్ హెచ్చరికలు చేస్తున్నప్పటికీ, ఉత్తర కొరియా అధ్యక్షుడితో చర్చలకు సిద్ధమేనని ట్రంప్ ట్వీట్ చేశారని ఆమె గుర్తు చేశారు. ‘కిమ్‌ను కాళ్లమీద నిలబెట్టేలా’ ట్రంప్ వ్యవహరించాల్సి ఉంటుందన్నారు. చర్చలకు సిద్ధమని ట్రంప్ ప్రకటించడం శుభపరిణామమే అయినా, అందుకు తగ్గట్టుగా కిమ్ కొన్ని చర్యలు తీసుకోవాల్సి ఉంటుందన్నారు. క్షిపణలు, అణ్వస్త్రాల ప్రయోగాలను నిలిపివేస్తేనే చర్చలకు మార్గం సుగమమవుతుందన్నారు.
కిమ్‌తో చర్చలకు సిద్ధమంటూ ట్రంప్ ప్రకటించడాన్ని ‘అమెరికా విధానాల్లో మార్పుగా భావించాలా?’ అని మీడియా ప్రతినిధులు ప్రశ్నించగా- ‘మేం వెనక్గి తగ్గడం అన్న ప్రసక్తే లేదు.. ట్రంప్ చెప్పింది సబబే.. ఉత్తర కొరియాతో చర్చలు జరపాల్సిన సమయం అంటూ ఒకటి వస్తుంది.. అయితే అణ్వాయుధాలపై నిషేధం విధిస్తున్నట్లు కిమ్ స్పష్టం చేయాల్సి ఉంటుంది.. ఇవన్నీ జరిగితేనే చర్చలకు అవకాశం ఉంటుంది..’ అని నిక్కీ స్పష్టం చేశారు. ‘పాతికేళ్ల జరిగిన దానిని పునరావృత్తం చేయాలని మేం భావించడం లేదు.. చర్చల పేరిట ఒక చోట సమావేశం కావడం, మేం నిధులు కేటాయించడం.. సహాయం పొందినవారు చివరికి మోసం చేయడం.. ఇవన్నీ ఇకముందు ఉండవు’ అన్నారు. ‘అమెరికాను భద్రంగా ఉంచడానికి మేం ఏం చేశామో కొరియా ద్వీపకల్పాన్ని అణురహిత ప్రాంతంగా మార్చాలన్నదే మా ధ్యేయం..’ అని ఆమె అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.