అంతర్జాతీయం
కుప్పకూలిన విమానం
S ,7 à 8 RSCA (si SASPAS) et 6 cialis pharmacie cialis rapports de stage.
కాఠ్మండూ, మార్చి 12: కాఠ్మండూ విమానాశ్రయంలో సోమవారం జరిగిన ఘోర విమాన ప్రమాదంలో 57మంది దుర్మరణం పాలయ్యారు. యుఎస్- బంగ్లాకు చెందిన ఈ విమానం ఢాకా నుంచి కాఠ్మండూకు వస్తోంది. విమానం త్రిభువన్ విమానాశ్రయంలో దిగే సమయంలో రన్‌వే పైనుంచి జారిపోయి పక్కనే ఉన్న పుట్‌బాల్ మైదానంలో కుప్పకూలిపోయిందని త్రిభువన్ అంతర్జాతీయ విమానాశ్రయ ప్రతినిధి ప్రేమ్‌నాథ్ ఠాకూర్ తెలిపారు. తొలుత 50మంది అక్కడికక్కడే మరణించగా, మరో 20మంది తీవ్రంగా గాయపడ్డారు. వారిని కాఠ్మండూ మెడికల్ ఆసుపత్రిలో చికిత్సకోసం తరలించారు. వీరందరికి తీవ్రంగా కాలిన గాయాలయ్యాయి. వీరిలో ఏడుగురు మృతి చెందడంతో మొత్తం ప్రమాద మృతుల సంఖ్య 57కు చేరింది. ఢాకానుంచి వస్తున్న ఈ విమానం త్రిభువన్ విమానాశ్రయంలో మధ్యాహ్నం 2.20 గంటలకు దిగింది. తర్వాత విమానం ఫుట్‌బాల్ మైదానంలోకి క్రాష్ కాగానే ఒక్కసారిగా దట్టమైన పొగలు వ్యాపించాయి. ఈ ప్రమాదానికి బహుశా సాంకేతిక లోపాలే కారణమై ఉండవచ్చునని అనుమానిస్తున్నారు. ‘ఈ విమానానికి రన్‌వే దక్షిణం వైపునుంచి ల్యాండ్ అవడానికి అనుమతినివ్వగా, ఉత్తరం వైపునుంచి దిగింది’ అని నేపాల్ డైరెక్టర్ జనరల్ ఆఫ్ సివిల్ ఏవియేషన్ సంజీవ్ గౌతమ్ తెలిపారు. రన్‌వేపై దిగే సమయంలో విమానం అదుపుతప్పిందన్నారు. ఈ విమానం అసాధారణ ల్యాండింగ్‌పై విచారణ జరుపుతామన్నారు. ప్రస్తుతం విమానంలోని మంటలు అదుపులోకి రాగా, సహాయక చర్యలు ముమ్మరంగా జరుగుతున్నాయని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.