అంతర్జాతీయం
పాక్ న్యాయమూర్తి నివాసంపై కాల్పులు
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, ఏప్రిల్ 15: పాకిస్తాన్ మాజీ ప్రధాని నవాజ్ షరీఫ్ కేసులో కీలకమైన ఓ జడ్జి ఇంటిపై ఆదివారం ఉదయం కాల్పులు జరిగాయి. తెల్లవారు జామున 4.30 గంటలకు, ఉదయం 9 గంటలకు మరోసారి కాల్పులు జరిగినట్లు లాహోర్ పోలీసులు తెలిపారు. నవాజ్ షరీఫ్‌ను పదవీచ్యుతుడిని చేసిన పనామా పేపర్స్ కేసును విచారిస్తున్న సుప్రీం బోర్డులో న్యాయమూర్తి అయిన ఇజాజ్ ఉల్ హసన్ ఇంటిపై ఈ కాల్పులు జరిగాయి. ఈయన నివాసం లాహోర్‌లోని మోడల్ టౌన్‌లో ఉంది. అయితే ఈ కాల్పుల్లో ఎలాంటి ప్రాణ నష్టం గాని, ఎవరికీ ఎటువంటి గాయాలు గాని కాలేదు. సుప్రీం కోర్టు ప్రధాన న్యాయమూర్తి మియాన్ సాకిబ్ నిసార్ సంఘటన జరిగిన హసన్ ఇంటికి వచ్చి వివరాలు తెలుసుకున్నారు. దీనికి సంబంధించిన పూర్తి వివరాలు అందించాలని పంజా బ్ ఇన్‌స్పెక్టర్ జనరల్ ఆరిఫ్ నవాబ్ ఖాన్‌కు ఆదేశాలు జారీ చేశారు. ఫోరెన్సిక్ నిపుణు లు సంఘటన స్థలానికి చేరుకుని ఆధారాలు సేకరిస్తున్నారని చీఫ్ జస్టిస్ విలేఖరులకు తెలిపారు. పాక్ ప్రధాని షాహిబ్ అబ్బాసీ, పంజాబ్ ముఖ్యమంత్రి షహ్‌బాజ్ షరీఫ్, పాకిస్తాన్ పీపుల్స్ పార్టీ చైర్మన్ బిలావల్ భుట్టో, సుప్రీం కోర్టు బార్ అసోసియేషన్ సభ్యులు ఈ సంఘటనను తీవ్రంగా ఖండించారు. సంఘటనకు నవాజ్ షరీఫ్‌దే బాధ్య త అని పాకిస్తాన్ తెహ్రీక్-ఇ-ఇన్సాఫ్ పార్టీ అధ్యక్షుడు ఇమ్రాన్ ఖాన్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.