అంతర్జాతీయం
పేరు తెచ్చిన తంటా!
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూలై 2: ఫేస్‌బుక్‌లో ‘ఐసిస్’ పేరుతో ఖాతా తెరిచిన మహిళకు పెద్దచిక్కే వచ్చింది. ప్రపంచాన్ని గడగడలాడిస్తున్న ఉగ్రవాద సంస్థ పేరూ ‘ఐసిస్’ కావడమే కారణం. యుకెకు చెందిన 27 ఐసిస్ థామస్ అనే ఆమెకు ఫేస్‌బుక్ యాజమాన్యం మెస్సేజ్ పంపింది. ఐసిస్ పేరును నిర్ధారించుకోవాలని, దానికి సంబంధించి ఆధారాలు చూపాలని ఆమెకు విజ్ఞప్తి చేసింది. అలాగే ఐసిస్ పేరుతో తెరిచిన అకౌంట్‌పైనా ఫేస్‌బుక్ ఆంక్షలు విధించింది. బ్రిస్టెయిన్‌కు చెందిన ఐసిస్ థామస్ ఫేస్‌బుక్‌లో ఖాతా తెరిచింది. జూన్ 27న ఖాతా లాగిన్ చేయడానికి ప్రయత్నించగా వచ్చిన మెస్సెజ్ చూసి అవాక్కయింది. ‘నా అకౌంట్ లాగిన్‌కు ప్రయత్నించాను. పాస్‌వార్డ్ ఇస్తుండగా నాకో సందేశం వచ్చింది. చిరునామా మార్చుకోమని అందులో ఉంది’ అని థామస్ పేర్కొంది. తాను ఎప్పటి నుంచో ఐసిస్ పేరును వాడుకుంటున్నానని, మధ్యలో పెట్టుకున్నది కాదని ఆమె స్పష్టం చేసింది. ఆ పేరుతోనే సంతకాలు కూడా చేస్తుంటానని ఆమె తెలిపింది. తాను పేరు మార్చుకునేది లేదని ఆమె అన్నారు. కాగా ఐసిస్ అంటే ఈజిప్టులో దేవత అని అర్థం. అందుకే ఆమె తల్లిదండ్రులు థామస్‌కు ఆ పేరుపెట్టారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.