అంతర్జాతీయం
ట్రంప్ లొంగిపోయారు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 27: అమెరికా దక్షిణ సరిహద్దుల్లో గోడ నిర్మాణానికి సంబంధించి కాంగ్రెస్‌తో ఎలాంటి ఒప్పందం కుదరకుండానే అధ్యక్షుడు డొనాల్డ్ ట్రంప్ ప్రభుత్వాన్ని తిరిగి తెరవడంపై సంప్రదాయవాదులు పెదవి విరుస్తున్నారు. ట్రంప్ ఒత్తిళ్లకు లొంగిపోయారని పేర్కొంటూనే, ఆయన గోడ నిర్మించి తీరుతారనే విశ్వాసాన్ని వ్యక్తం చేస్తున్నారు. ట్రంప్‌ను బలపరుస్తున్న సంప్రదాయవాదుల్లో కొంత మంది మాత్రం ఆయన తీసుకున్న నిర్ణయాన్ని దయనీయమయినదిగా, పిరికితనంతో కూడినదిగా అభివర్ణిస్తున్నారు. మరికొంత మంది ట్రంప్ మద్దతుదారులు మాత్రం ఆయన తీసుకున్న నిర్ణయాన్ని అంతగా తప్పుపట్టడం లేదు. అయితే, సరిహద్దుల్లో గోడ నిర్మాణానికి ప్రభుత్వం నిధులు విడుదల చేసే అంశం ఉంటేనే ప్రభుత్వ సాయానికి సంబంధించిన ఒప్పందంపై ట్రంప్ సంతకం చేయాలని వారు నొక్కి చెబుతున్నారు. అమెరికా చరిత్రలోనే మొదటిసారి అత్యంత దీర్ఘకాలం 35 రోజుల పాటు ప్రభుత్వం పాక్షికంగా మూతపడింది. అయితే, ఈ మూసివేతకు ముగింపు పలుకుతూ తీసుకున్న నిర్ణయాన్ని సంప్రదాయవాదులు విమర్శిస్తున్న నేపథ్యంలో ట్రంప్ మాత్రం శనివారం తన నిర్ణయాన్ని గట్టిగా సమర్థించుకున్నారు. దక్షిణ సరిహద్దుల్లో గోడ నిర్మిస్తానని హామీ ఇచ్చిన ట్రంప్, ఇందుకు సంబంధించి ఎలాంటి నిధులు రాకుండానే ఆయన తిరిగి ప్రభుత్వాన్ని తెరవడంపై సంప్రదాయవాదులు అసంతృప్తి వ్యక్తం చేస్తున్నారు. అయితే, కాంగ్రెస్ నుంచి నిష్పక్షపాతమయిన ఒప్పందం రాకుంటే ఫిబ్రవరి 15వ తేదీన ప్రభుత్వం తిరిగి మూతపడుతుందని ట్రంప్ పేర్కొన్నారు. లేదా అమెరికా దక్షిణ సరిహద్దులో తాను అభివర్ణించిన ‘మానవతా, భద్రతా సంక్షోభాన్ని’ పరిష్కరించడానికి తాను తన కార్యనిర్వాహక అధికారాలను వినియోగిస్తానని ట్రంప్ తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.