అంతర్జాతీయం
మసూద్ అజర్ సోదరుడి అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్: జైషే మహ్మద్ చీఫ్ మసూద్ అజర్ సోదరుడు, కరడుగట్టిన ఉగ్రవాది ముఫ్తి అబ్దుర్ రవూఫ్‌ను పాకిస్తాన్ అధికారులు అదుపులోకి తీసుకున్నారు. అంతర్జాతీయ సమాజం నుంచి వస్తున్న ఒత్తిళ్ల మేరకు పాకిస్తాన్ అరెస్టు చేసిన నిషిద్ధ ఉగ్రవాద సంస్థలకు చెందిన 44 మందిలో రవూఫ్ కూడా ఉన్నాడు. నిషిద్ధ ఉగ్రవాద సంస్థలపై చర్యలో భాగంగా రవూఫ్, హమ్మద్ అజర్ సహా 44 మందిని అరెస్టు చేసినట్టు పాకిస్తాన్ అంతర్గత వ్యవహారాల శాఖ సహాయ మంత్రి షెహర్యార్ ఖాన్ అఫ్రిదీ మంగళవారం ఇక్కడ విలేఖరుల సమావేశంలో చెప్పారు. భారత్ గత వారం పాకిస్తాన్‌కు పంపించిన పత్రాలలో ముఫ్తి అబ్దుర్ రవూఫ్, హమ్మద్ అజర్ పేర్లు కూడా ఉన్నాయని ఆయన తెలిపారు. పాకిస్తాన్ కేంద్రంగా పనిచేస్తున్న జైషే మహ్మద్ ఉగ్రవాద సంస్థ ఫిబ్రవరి 14వ తేదీన జమ్మూకాశ్మీర్‌లోని పుల్వామాలో జరిపిన ఆత్మాహుతి బాంబుదాడిలో 40 మంది సీఆర్‌పీఎఫ్ జవాన్లు వీరమరణం పొందిన తరువాత భారత్‌తో నెలకొన్న ఉద్రిక్త పరిస్థితుల మధ్య పాకిస్తాన్ నిషిద్ధ ఉగ్రవాద సంస్థలపై అణచివేత చర్యలను ప్రారంభించింది. జైషే మహ్మద్‌పై చర్య తీసుకోవాలని కోరుతూ భారత్ కొన్ని పత్రాలను పాకిస్తాన్‌కు పంపించింది. పుల్వామా దాడి తరువాత ఐక్యరాజ్య సమితి (ఐరాస) భద్రతా మండలి ప్రకటించిన ఉగ్రవాదులు, ఉగ్రవాద సంస్థలపై చర్యలు తీసుకోవాలని ప్రపంచ దేశాల నుంచి పాకిస్తాన్‌పై ఒత్తిడి పెరిగింది. అయితే, ఒత్తిడి కారణంగా తాము ఈ చర్య తీసుకోలేదని పాకిస్తాన్ మంత్రి అఫ్రిదీ పేర్కొన్నారు. నేషనల్ యాక్షన్ ప్లాన్‌లో భాగంగా అన్ని నిషిద్ధ ఉగ్రవాద సంస్థలపై చర్యలు తీసుకుంటున్నామని ఆయన చెప్పారు. మరో రెండు వారాల పాటు ఈ అణచివేత చర్యలు కొనసాగుతాయని, లభించిన ఆధారాల ప్రాతిపదికన అరెస్టయిన వారిపై తదుపరి చర్యలు తీసుకోవడం జరుగుతుందని ఆయన వివరించారు. ఏ దేశానికి వ్యతిరేకంగా కూడా ఉగ్రవాద కార్యకలాపాలను పాకిస్తాన్ గడ్డపైన అనుమతించకూడదనేది తమ ప్రభుత్వ విధానమని ఆయన పేర్కొన్నారు. ఐరాస భద్రతా మండలి ఉగ్రవాదులు, ఉగ్రవాద సంస్థలపై విధించిన ఆంక్షలను అమలు చేయడం కోసం పాకిస్తాన్ ప్రక్రియను నిర్దేశిస్తూ సోమవారం ఒక చట్టాన్ని ఆమోదించింది. ఇది జరిగిన మరుసటి రోజే ఉగ్రవాదుల అరెస్టులు మొదలయ్యాయి. పాకిస్తాన్ ప్రభుత్వం నిషిద్ధ ఉగ్రవాద సంస్థల ఆస్తులను తన నియంత్రణలోకి తీసుకున్నదని ఈ కొత్త ఆదేశాల అర్థమని పాకిస్తాన్ విదేశాంగ శాఖ అధికార ప్రతినిధి మహ్మద్ ఫైసల్ పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.